सातारा : महामार्गावर वाहनांच्या रांगा; वाहतूक कोंडी

सातारा : पुणे-बंगळूर महामार्गावर शेंद्रेपासून कोल्हापूरकडे जाणार्‍या रस्त्यावर शुक्रवारी वाहनधारकांना वाहतूक कोंडीला सामोरे जावे लागले. तब्बल दोन ते तीन किलोमीटरपर्यंत वाहनांच्या रांगा लागलेल्या होत्या. या वाहतूक कोंडीमुळे वाहनधारक अक्षरश: वैतागून गेल्याचे पहायला मिळाले.

शेंद्रे ते कागल या 132 किलो मीटर अंतरातील रस्त्याच्या सहापदरीकरणाचे काम सध्या सुरू आहेत. हे काम संथ गतीने सुरू असून अनेक ठिकाणी डायव्हर्शन आहेत. गेले काही दिवस अवकाळी पावसाचा जोरद असल्याने या रस्त्यांवर चिखल झाला आहे. तसेच महामार्गावर ठिकठिकाणी खड्डेही पडले आहे. डायव्हर्शन व त्यात खड्डे चुकवताना वाहनचालकांना कसरत करावी लागत आहे. शुक्रवारी पुणेकडून कोल्हापूरला जाणारी वाहने धिम्म्या गतीने निघाली होती. खड्डे, चिखल आणि वळणे यामुळे वाहने जागोजागी अडकली होती. यामुळे दोन-तीन किलो मीटरपर्यंत वाहनांच्या मोठ्या रांगा लागल्या होत्या. शुक्रवारी दुपारपासून

रात्री उशीरापर्यंत ही वाहतूक

कोंडी कायम होती. रस्त्याचे काम अत्यंत धिम्म्या गतीने सुरु आहे. त्यामुळे बोरगाव, नागठाणे, उंब्रज, मसूर येथे नेहमीच वाहनांना संथगतीने जावे लागते. शुक्रवारी तर वाहतूकच ठप्प झाल्याचे पहायला मिळाले.