Satara Theft: जुन्या एस.टी. स्टँडवर बॅगेतून दागिने, रोकड लंपास

कोरेगाव : कोरेगाव शहरातील जुन्या एस.टी. स्टँड परिसरात महिलेच्या बॅगेतील सोन्याचे दागिने व रोख रक्कम चोरट्याने लंपास केली. या चोरीत ९६ हजार ८५० रुपयांचा मुद्देमाल चोरीस गेला असून याप्रकरणी कोरेगाव पोलीस ठाण्यात गुन्हा दाखल करण्यात आला आहे.

निर्मला वसंत ढाणे (वय ६५, रा. निनाम पाडळी, सध्या विक्रोळी, मुंबई) यांनी फिर्याद दिली आहे. २८ ऑगस्ट रोजी त्या जुन्या एस.टी. स्टँड परिसरात असताना त्यांच्या बॅगेतील पाकिटांमधून सोन्याचे मंगळसूत्र, अंगठी, झुमके आणि ८५० रुपये रोख चोरीस गेले. चोरीस गेलेल्या दागिन्यांची अंदाजे किंमत ९६ हजार रुपये आहे.