सातारा : सातारा शहराजवळ तालुका पोलिसांनी केलेल्या कारवाईत कारमधून प्रवास करणाऱ्या दोघांकडून सुमारे 9 लाख रुपये किमतीचे हेरॉईन जप्त करण्यात आले. संबंधित दोघे कोल्हापूर येथील रहिवासी असून, अमली पदार्थ विक्रीच्या उद्देशाने ते साताऱ्यात आले असल्याची माहिती समोर आली आहे. या प्रकरणी दोघांना ताब्यात घेतले आहे. रात्री उशिरापर्यंत पोलिसांची कारवाई सुरू होती.
अक्षय पाटील आणि अलंकार (दोघेही रा. कोल्हापूर) अशी ताब्यात घेतलेल्या संशयितांची नावे आहेत. अमली पदार्थ विक्रीसाठी दोघेजण कारने साताऱ्यात येणार असल्याची गोपनीय माहिती पोलिसांना मिळाली होती. त्यानुसार गस्त वाढवून सापळा रचला. सोनगाव परिसरात पांढऱ्या रंगाची संशयास्पद कार आढळताच पोलिसांनी तिला थांबवण्याचा प्रयत्न केला. मात्र, पोलिसांना पाहताच संशयितांनी पळ काढण्याचा प्रयत्न केला.
