सातारा : स्व. क्रांतिसिंह नाना पाटील जिल्हा रुग्णालयात शहरी भागासह ग्रामीण भागातील गरजू व गरीब रुग्ण येत असतात. येणार्या प्रत्येक रुग्णाला आरोग्य सुविधा देण्याबरोबर त्यांच्यावर चांगले उपचार करावेत. याबाबतीत कोणत्याही तक्रारी येऊ देऊ नका, अशा सूचना आरोग्यमंत्री प्रकाश आबिटकर यांनी दिल्या.
ना. प्रकाश आबिटकर यांनी मंगळवारी सातारा जिल्हा रुग्णालयाची पाहणी करुन तेथील व्यवस्थेचा आढावा घेतला. यावेळी जिल्हा शल्यचिकित्सक डॉ. युवराज करपे यांच्यासह आरोग्य विभागातील अधिकारी, कर्मचारी उपस्थित होते. ना. आबिटकर म्हणाले, रुग्णालयात येणार्या प्रत्येक रुग्णांवर उपचार करावे, त्यांना खासगी रुग्णालयात पाठवू नये. रुग्णालय स्वच्छतेवरही भर द्यावा. रुग्णालयात शासकीय अधिकारी, कर्मचारी यांची वैद्यकीय प्रतिपुर्ती प्रमाणीकरणासाठी येणारी देयके वेळेत प्रमाणित करून द्यावी. रुग्णालयात कामासाठी येणार्यांना हेलपाटे मारायला लावू नका. त्यांची कामे तातडीने करा.
समाजसेवक अधिक्षकांनी रुग्णांसाठी असणार्या हक्कांची व सुविधांची माहिती द्यावी. रुग्णांना लवकरात लवकर उपचार कसे मिळतील यासाठी काम करावेत. त्याचबरोबर रुग्णांना देण्यात येणार्या जेवणाची तपासणी करुन आणखी पोषक पदार्थ वाढवावेत, अशा सूचनाही ना. आबिटकर यांनी अधिकार्यांना केल्या. यावेळी जिल्हा शल्य चिकित्सक डॉ. युवराज कपरे, अतिरिक्त जिल्हा शल्य चिकित्सक डॉ. राहुल खाडे, डॉ. सुभाष कदम, माजी आरोग्य उपसंचालक डॉ. संजोग कदम, डॉ. चंद्रकांत काटकर व इतर.
