सातारा : केंद्रीय राज्यमंत्री मुरलीधर मोहोळ यांनी दिल्ली येथे खा. श्री. छ. उदयनराजे भोसले यांची भेट घेऊन त्यांना शुभेच्छा दिल्या. दिल्ली येथील आपल्या निवासस्थानी उदयनराजेंनी त्यांचे स्वागत केले.
राज्य कुस्तीगीर परिषदेचे नेते व पुण्याचे खासदार मुरलीधर मोहोळ आणि सातारा लोकसभा मतदारसंघातून चौथ्यांदा निवडून गेलेले खा. उदयनराजे भोसले हे दोघे पश्चिम महाराष्ट्रातील भाजपचे खासदार आहेत. मंत्रिपद मिळाल्यानंतर उदयनराजेंनी त्यांना शुभेच्छा दिल्या होत्या. सोमवारी रात्री मंत्री मोहोळ यांनी उदयनराजेंची दिल्लीतील त्यांच्या निवासस्थानी भेट घेतली. उदयनराजेंनीही मोहोळ यांना मंत्रिपदाच्या पुढील वाटचालीसाठी शुभेच्छा दिल्या. यावेळी दोन्ही नेत्यांमध्ये पश्चिम महाराष्ट्रातील राजकारणाविषयी प्रदीर्घ चर्चा झाली. तसेच विधानसभा निवडणुकीमध्ये भाजपसह महायुतीला जास्तीत जास्त जागा मिळवून देण्यासाठी प्रयत्न करण्यासाठी एकत्रित प्रयत्न करावा लागेल, अशी चर्चाही झाली. यावेळी काका धुमाळ उपस्थित होते.
