कराड : दौलतनगर (मरळी, ता. पाटण) येथे 2 ते 9 एप्रिल दरम्यान झालेल्या कोयना दौलत डोंगरी सव्वा कोटीपेक्षा जास्त आर्थिक उलाढाल झाली आहे, अशी माहिती पालकमंत्री शंभूराज देसाई यांनी पत्रकार परिषदेत दिली.
या नऊ दिवसीय महोत्सवात बोटीग, घोडेस्वारी, पॅराग्लायडीग, घोडा व उंट सफारी, इलेक्ट्रिकल बग्गी राईड, कार्निवल परेड, खादयजत्रा, कृषी व पशु पक्षी प्रदर्शन, शस्त्र प्रदर्शन, महिला बचत गटांच्या वस्तूंची विक्री दालने ड्रोन शो इ. उपक्रमांचे आयोजन करण्यात आले होते. उपमुख्यमंत्री एकनाथ शिंदे यांनी कोयना - दौलत डोंगरी महोत्सवास पर्यटकांनी दिलेला प्रतिसाद व स्थानिक जनतेची मागणी विचारात घेऊन सदर महोत्सवास दि. 7 एप्रिल ते दि. 9 एप्रिल 2026 या कालावधीची वाढ करण्याची घोषणा केली.
वाढीव तीन दिवसाच्या कालावधीत बोटींग, पॅराग्लायडींग, फनफेअर, खाद्य जत्रा इत्यादी उपक्रमांसहीत 7 एप्रिल, 2026 रोजी भक्ती गीते व भावगीतांचा स्वर दौलत संध्या कार्यक्रम, 8 एप्रिल, 2026 रोजी द फोक लोक हा मराठी लोककला आधारीत कार्यक्रम व 9 एप्रिल, 2026 रोजी अवधूत गुप्ते लाईव संगीत मैफील व मानसी नाईक, योगीता चव्हाण, पूर्वा शिंदे, कविता राव यांचा नृत्यविष्काराचा कार्यक्रम रंगला. 2 एप्रिल ते 9 एप्रिल, 2026 अशा एकूण 8 दिवसीय कोयना दौलत डोंगरी महोत्सव 2026 च्या आयोजनास सुमारे दोन लाखांपेक्षा जास्त पर्यटकांनी भेट दिली, असेही पालकमंत्री शंभूराज देसाई यांनी सांगितले.
