Koyna Dam: कोयना धरणात ६.४५ टीएमसीची भर

पाटण : कोयना धरण पाणलोट क्षेत्रात मुसळधार पाऊस सुरूच आहे. त्यामुळे बुधवारी सायंकाळी ५ वाजता धरणात प्रतिसेकंद ७९ हजार ७०८ क्युसेक पाण्याची आवक होत होती आणि यामुळे धरणाच्या पाणीसाठ्यात बुधवार सायंकाळपर्यंतच्या २४ तासात ६.४५ टीएमसी पाण्याची भर पडली होती.

धरणातील पाण्याची पातळी ९.११ फुटांनी वाढली असून पाणीसाठा ४४.५७ टीएमसी इतका झाला आहे. तालुक्यात ७८ घरांची पडझड झाली असून अनेक घरांवरील पत्रे उडाले आहेत. काही ठिकाणी रस्ते खचले आहेत. झाडे, वीज खांब कोसळल्याने अडथळे निर्माण झाले आहेत.