मारूल हवेली : पुढारी वृत्तसेवा कराड-पाटण राज्यमार्गावर विहे गावच्या हद्दीतील विहिरीत जीप कोसळल्याने परिसरात एकच खळबळ उडाली होती. ही घटना मंगळवार, दि. 27 रोजी संध्याकाळी 6 वाजण्याच्या सुमारास घडली. या अपघातातील चालकाचा मृतदेह आज (बुधवार) सकाळी सापडला आहे. संभाजी कृष्णा पवार (वय ५०, रा. मल्हारपेठ) असे त्या व्यक्तीचे नाव आहे.
मंगळवारी संध्याकाळी ६ वाजण्याच्या सुमारास क्रुझर जीप विहिरीत कोसळली होती. स्थानिक नागरिक व क्रेनच्या साह्याने जीप बाहेर काढण्यात यश आले होते. मात्र यावेळी कोणीही सापडले नव्हते. अंधार व पाऊस असल्याने रात्री ११ वाजण्याच्या सुमारास बचाव कार्य व शोधमोहीम थांबवण्यात आली होती. आज सकाळी पुन्हा विहिरीत शोध घेण्यात आल्यानंतर सकाळी ७:३० वाजता गाडी चालक संभाजी पवार यांचा मृतदेह मिळून आला आहे.
हेही वाचा :
