कराड : कराड शहर पोलिसांनी आर्थिक फायद्यासाठी सुरू असलेल्या अनैतिक व्यवसायावर धडक कारवाई करत कराड येथील वारणा लॉजवर छापा टाकून पाच जणांविरुद्ध गुन्हा दाखल केला आहे. या कारवाईत दोन महिलांची सुटका करण्यात आली असून दोघांना अटक करण्यात आली आहे.
कराड शहर पोलीस ठाण्याचे वरिष्ठ पोलीस निरीक्षक दत्तात्रय दराडे यांना मिळालेल्या गुप्त माहितीच्या आधारे 21 मे रोजी रात्री वारणा लॉज येथे बनावट ग्राहक पाठवून छापा टाकण्यात आला. यामध्ये बिलाल पठाण (वय 35, रा. मंगळवार पेठ, कराड), हर्षवर्धन माणिक कांबळे (वय 20), ओंकार सुनील कांबळे (वय 25, दोघे रा. सुकलवाड, ता. वाळवा, जि. सांगली), तसेच प्रमोद सापटे व मनोज कांबळे यांच्याविरोधात गुन्हा नोंद करण्यात आला आहे.
पोलीस अधीक्षक निखिल पिंगळे, अपर पोलीस अधीक्षक लीना कडूसकर आणि उपविभागीय पोलीस अधिकारी राजश्री पाटील यांच्या मार्गदर्शनाखाली ही कारवाई करण्यात आली.
