सांगली : जिल्ह्यात गुरुवारी पावसाच्या तुरळक सरी बरसल्या. कृष्णा आणि वारणा नदीची पाणी पातळी ओसरू लागली आहे. सांगलीत गुरुवारी कृष्णा नदीची पाणी पातळी 22.3 फुटावर गेली आहे. कोयना धरणातून 21 हजार 824, तर चांदोली धरणातून 11 हजार 960 क्युसेक पाण्याचा विसर्ग सुरु आहे. गेल्या दोन दिवसांपासून जिल्ह्यात पावसाने काही प्रमाणात उसंत घेतल्याचे चित्र आहे.
सांगली जिल्ह्यात गुरुवारी सुमारे 2 मिलिमीटर पावसाची नोंद झाली. पडलेला पाऊस व कंसात 1 जूनपासून आतापर्यंत पडलेल्या पावसाची तालुकानिहाय आकडेवारी मिलिमीटरमध्ये अशी आहे. मिरज 0.6 (205.3), जत 0.1 (161.1), खानापूर-विटा 0.6 (152.1), वाळवा-इस्लामपूर 1.7 (334.1), तासगाव 0.6 (186), शिराळा 5.6 (840.1), आटपाडी 0.5 (183.2), कवठेमहांकाळ 0.2 (162.9), पलूस 0.6 (277), कडेगाव 0.5 (211).
जिल्ह्यातील वारणा धरणात गुरुवारी सकाळी 8 वाजेपर्यंत 28.73 टीएमसी पाणीसाठा असून या धरणाची साठवण क्षमता 34.40 टीएमसी आहे. विविध पुलांच्या ठिकाणी पाण्याची पातळी व कंसात इशारा पातळी फुटांमध्ये पुढीलप्रमाणे आहे. आयर्विन पूल (सांगली) 22.3 (40) व अंकली पूल (हरिपूर) 26.9 (45.11) फूट.
विविध धरणांतील पाणीसाठा व साठवण क्षमता कंसात टीएमसी प्रमाणात याप्रमाणे आहे. कोयना 85.96 (105.25), धोम 12.23 (13.50), कण्हेर 9.18 (10.10), धोम बलकवडी 3.60 (4.08), उरमोडी 9.08 (9.97), तारळी 5.01 (5.85), चांदोली 28.73 (34.40), राधानगरी 8.30 (8.36), दूधगंगा 21.04 (25.40), तुळशी 3.20 (3.47), कासारी 2.23 (2.77), पाटगाव 3.72 (3.72), अलमट्टी 98.44 (123).
धरणातून सुरू असलेला विसर्ग क्युसेकमध्ये पुढीलप्रमाणे आहे. कोयना धरणातून 21 हजार 824, धोम 1 हजार 550, कण्हेर 740, धोम बलकवडी 330, उरमोडी 500, तारळी 2265, चांदोली 11 हजार 960, राधानगरी 2 हजार 928, दुधगंगा 6 हजार 100, कासारी 600, पाटगाव 461, हिप्परगी बंधारा 1 लाख 25 हजार 750 व अलमट्टी धरणातून 1 लाख 40 हजार क्युसेक विसर्ग सुरू आहे.
