Jat crime: जत तालुक्यातील दोघे सहा महिन्यांसाठी हद्दपार

जत : जत पोलिस ठाण्याकडील दोघा सराईत गुन्हेगारांना सहा महिन्याकरिता हद्दपार करण्यात आले आहे. रोहित गुलाब सोनुरे (वय 26, रा. अचकनहळ्ळी) व विकास अशोक बनपट्टी (वय 27, रा. विठ्ठलनगर) अशी त्यांची नावे आहेत. सोनुरे याच्यावर 12 गंभीर व 2 अदखलपात्र, असे 14 गुन्हे, तसेच बनपट्टी याच्यावर सहा गंभीर व चार अदखलपात्र, असे 10 गुन्हे दाखल आहेत.

उपविभागीय पोलिस अधिकारी यांच्या मार्गदर्शनाखाली पोलिस निरीक्षक संदीप कोळेकर यांनी ही कारवाई केली.सोनुरे व बनपट्टी या दोघांना सांगली जिल्हा व सोलापूर जिल्ह्यातील सांगोला, मंगळवेढा, तालुक्यातून सहा महिन्याकरिता हद्दपार करण्यात आले आहे.