कडेगाव : तालुक्यात शांतता व सुव्यवस्था राखण्यासाठी चिंचणी-वांगी पोलिस ठाणे हद्दीतील प्रथमेश ऊर्फ हरजित अशोक शेळके (रा. वडियेरायबाग, ता. कडेगाव) व गजानन शामराव वडार (रा. वांगी, ता. कडेगाव) या दोन गुन्हेगारांना प्रांताधिकारी रणजित भोसले यांनी सांगली, सातारा आणि कोल्हापूर या तीन जिल्ह्यांतून हद्दपार केले आहे.
चिंचणी-वांगी पोलिस ठाण्याच्या हद्दीतील सराईत गुन्हेगार प्रथमेश ऊर्फ हरजित शेळके आणि गजानन वडार या दोघांना चिंचणी-वांगी पोलिस ठाण्याने दिलेल्या प्रस्तावानुसार प्रांताधिकारी रणजित भोसले यांनी मुंबई पोलिस अधिनियम 1951 चे कलम 56 नुसार सांगली, सातारा व कोल्हापूर या तीन जिल्ह्यांतून 2 वर्षांसाठी हद्दपार करण्याचे आदेश दिले आहेत. यातील प्रथमेश ऊर्फ हरजित शेळके याच्यावर 3 गुन्हे नोंद आहेत, तर गजानन वडार याच्याविरोधात 4 गुन्हे दाखल असल्याचे सांगण्यात आले.
