सांगली : जिल्हा पोलिस दलातील सहा पोलिस कर्मचार्यांना पोलिस महासंचालक यांचे सन्मानचिन्ह जाहीर करण्यात आले आहे. मोटार परिवहन विभागातील सहायक फौजदार राजेंद्र पवार यांना, अपघात न करता 20 वर्षांची कारकीर्द उत्तम ठेवल्याबद्दल सन्मानचिन्ह जाहीर झाले आहे. स्थानिक गुन्हे अन्वेषणचे हवालदार अनिल कोळेकर यांनी म्हैसाळ येथील हत्याकांड प्रकरणातील तपासात महत्त्वपूर्ण कामगिरी बजावली.
सेवेत 15 वर्षे उत्तम रेकॉर्ड ठेवल्याबद्दल इस्लामपूर ठाण्याचे हवालदार दीपक ठोंबरे, मिरज ग्रामीणचे हवालदार शामकुमार साळुंखे, विटा पोलिस ठाण्याचे हवालदार आनंदराव पाटील यांच्यासह पोलिस मुख्यालयातील राष्ट्रीय खेळाडू विकी जांगळे, अशा सहाजणांना पोलिस महासंचालक सन्मानचिन्ह जाहीर झाले आहे. राज्य पोलिस दलातील उल्लेखनीय कामगिरीबद्दल पोलिस महासंचालक रश्मी शुक्ला यांनी पोलिस अधिकारी व कर्मचारी अशा 800 जणांना सन्मानचिन्ह जाहीर केले. त्यामध्ये सांगली जिल्ह्यातील सहा पोलिस कर्मचार्यांचा समावेश आहे. या कर्मचार्यांना सन्मानचिन्ह जाहीर झाल्याबद्दल पोलिस अधीक्षक संदीप घुगे, अप्पर अधीक्षक रितू खोखर यांनी त्यांचे अभिनंदन केले. 1 मेरोजी महाराष्ट्रदिनी या कर्मचार्यांना हे सन्मानचिन्ह प्रदान केले जाणार आहे.
