शिराळा शहर : शिराळा नगरपंचायतीतर्फे घरपट्टी व पाणीपट्टी थकबाकी वसुलीसाठी विशेष मोहीम सुरू केल्याची माहिती मुख्याधिकारी सूरज कांबळे यांनी दिली.
ते म्हणाले, नगरपंचायतीच्या नोंदीनुसार शहरात काही नागरिकांकडे घरपट्टी व पाणीपट्टीची थकबाकी दीर्घकाळ प्रलंबित आहे. विशेषतः काही थकबाकीदारांकडे तीन वर्षांपेक्षा अधिक कालावधीची थकबाकी असून, वारंवार नोटीस व सूचना देऊनही संबंधितांकडून थकबाकीची रक्कम भरली जात नाही. यामुळे नियमानुसार कारवाई करण्यात येत आहे. शहरामध्ये सुमारे 100 ते 125 नागरिक असे आहेत की, ज्यांच्याकडे घरपट्टी व पाणीपट्टीची थकबाकी रुपये 15000 पेक्षा जास्त आहे. वारंवार सूचना देऊनही थकबाकीची रक्कम न भरल्यामुळे संबंधित थकबाकीदारांच्या नळ जोडण्या तोडल्या आहेत.
