सांगली : पुढारी वृत्तसेवा विटा येथे एमडी ड्रग्ज साठ्यावर स्थानिक गुन्हे अन्वेषणच्या पथकाने छापा टाकून कारवाई केली आहे. रात्री उशिरापर्यंत ही कारवाई सुरू होती. पोलिसांनी नेमके किती कोटी रुपयांचे एमडी ड्रग्ज जप्त केले हे मात्र समजू शकले नाही.
खानापूर तालुक्यातील विटा येथे एमडी ड्रग्जचा साठा असल्याची माहिती सांगली स्थानिक गुन्हे अन्वेषणच्या पथकाला मिळाली होती. त्यानुसार एलसीबीच्या पथकाने सोमवारी रात्री विट्यात छापा टाकून ही कारवाई केली आहे. रात्री उशिरापर्यंत ही कारवाई सुरू होती. त्यामुळे किती कोटी रुपयांचे एमडी ड्रग्ज जप्त केले हे मात्र रात्री उशिरापर्यंत समजू शकले नाही.
सांगली जिल्ह्यात एमडी ड्रग्जप्रकरणी ही तिसरी मोठी कारवाई करण्यात आली आहे. यापूर्वी कुपवाड आणि कवठेमहांकाळ तालुक्यातील इरळी या गावांमध्ये एमडी ड्रग्जच्या साठ्यावर छापा टाकून पोलिसांनी सुमारे 500 कोटींचे एमडी ड्रग्ज जप्त केले होते. आता विट्यात एमडी ड्रग्जच्या साठावर छापा टाकण्यात आला आहे. रात्री उशिरापर्यंत ही कारवाई सुरू होती. या कारवाईबाबत मात्र पोलिसांनी अत्यंत गोपनीयता पाळली होती.
याबाबत पोलिसांशी संपर्क साधला असता पोलिसांनी अमली पदार्थावर कारवाई केली आहे. एमडी ड्रग्ज आहे की नाही हे तपासणी केल्यानंतरच समोर येईल, असे सांगितले.
