कवठेमहांकाळ : मिरज तालुक्यातील कदमवाडी येथे धुणे धुत असताना म्हैसाळ योजनेच्या कालव्यात पडून छाया बाबासोा जगदाळे (वय ४४, रा. कदमवाडी-बेळंकी) यांचा मृत्यू झाल्याची घटना घडली. कालव्यात वाहून गेलेल्या छाया जगदाळे यांचा मृतदेह मिरज तालुक्यातील सलगरे येथे म्हैसाळ योजनेच्या पाचव्या टप्प्यात आढळून आला. या घटनेची नोंद कवठेमहांकाळ पोलिसात झाली आहे.
याबाबत माहिती अशी की, कदमवाडी येथे धुणे धुत असताना छाया जगदाळे कालव्यात पडल्या. पाण्याचा प्रवाह वेगाने असल्याने त्या वाहून गेल्या. घटनेची माहिती मिळाल्यानंतर त्यांचा शोध घेण्यात आला. दरम्यान, सलगरे येथील म्हैसाळ योजनेच्या पाचव्या टप्प्यात त्यांचा मृतदेह आढळून आला. मृतदेह बाहेर काढून कवठेमहांकाळ उपजिल्हा रुग्णालयात आणण्यात आला. तेथे वैद्यकीय अधिकाऱ्यांनी शवविच्छेदन केले.
