कुपवाड : सांगली, मिरज, कुपवाड, तासगाव, पलूस, कडेगाव, खानापूर, आटपाडी, जत, कवठेमहांकाळ या औद्योगिक वसाहतीमधून सन 2025 -26 या आर्थिक वर्षात एकूण 1510 कोटींचा विक्रमी जीएसटी वसूल झाला आहे. सन 2024-25 या आर्थिक वर्षापेक्षा 5.74 टक्के जास्त वसूल झाला आहे.
सांगली, तासगाव, पलूस, कडेगाव, खानापूर, आटपाडी, जत, कवठेमहांकाळ या औद्योगिक वसाहतींमधील उद्योजक, व्यावसायिक, व्यापारी, सेवा पुरवठादार यांच्याकडून सन 2025 -26 मध्ये मोठ्या प्रमाणात जीएसटी वसूल झाला आहे. मात्र, कुपवाड व मिरज एमआयडीसी आणि मिरज तालुका तसेच वाळवा, शिराळा या औद्योगिक वसाहत, व्यापारी, व्यावसायिक यांच्याकडून मागील आर्थिक वर्षापेक्षा सन 2025-26 मध्ये 7.08 टक्के (मायनस) कमी जीएसटी झाला आहे.
सांगली जिल्ह्यातील औद्योगिक वसाहतींमधून सन 2023-24 मध्ये 1243, सन 2024-25 मध्ये 1428 म्हणजे 185 कोटींची वाढ झाली होती, तर सन 2025-26 मध्ये 1510 म्हणजे 82 कोटींची वाढ झाली असली तरी 5.74 टक्के जीएसटी वसूल झाला आहे. याचे कारण म्हणजे केंद्र सरकारने काही उत्पादनात सन 2025-26 मध्ये जीएसटी कपात केली होती. त्यामुळे जीएसटी कमी प्रमाणात वसूल झाला.
