सांगली : सांगली अर्बन बँकेत खातेदाराने पाचशे रुपयांच्या एकोणीस बनावट नोटांचा भरणा केल्याचे उघडकीस आले आहे. याप्रकरणी राशद जावेद मुल्ला (वय 49, रा. 480, अभिनव शाळेनजीक, शंभर फुटी रस्ता, शामरावनगर, सांगली) याच्याविरोधात विश्रामबाग पोलिस ठाण्यात गुन्हा दाखल करण्यात आला आहे.
याबाबत सांगली अर्बन बँकेच्या टिंबर एरिया शाखेतील रोखपाल (कॅशिअर) विश्वास आत्माराम पाटील (रा. हरुगडे प्लॉट, सोसायटी रस्ता, सांगलीवाडी) यांनी फिर्याद दिली आहे. दि. 19 नोव्हेंबर 2025 रोजी रात्री 11.30 च्या सुमारास बॅँकेच्या टिंबर एरिया शाखेत खातेदार राशद मुल्ला यांनी पाचशे रुपयांच्या एकोणीस नोटांचा भरणा केला होता. मात्र या नोटा बनावट असल्याचे तपासणीत बँक अधिकाऱ्यांच्या लक्षात आल्याचे फिर्यादीत नमूद केले आहे.
