सांगली : पावसाळा सुरू झाला की, देश-विदेशातील पर्यटनासाठी पर्यटकांना वेध लागते. सहकुटुंब सहपरिवार सहलीचे नियोजन घरोघरी चालू असताना, आता आपल्या मदतीला आले आहे ‘पुढारी’ टूर्स अँड ट्रॅव्हल प्रदर्शन. आपल्या जिल्ह्यापासून ते जगभरातील सार्या देशांपर्यंतच्या सहलींच्या नियोजनासाठी मार्गदर्शक ठरलेले हे प्रदर्शन आज, शुक्रवार दि. 8 ऑगस्टपासून सांगलीत सांगली-मिरज रोडवर कच्छी जैन भवन येथे सुरू होत आहे. या प्रदर्शनाचे उद्घाटन महापालिका आयुक्त सत्यम गांधी यांच्याहस्ते होणार आहे.
पश्चिम महाराष्ट्रातील हजारो पर्यटनप्रेमींना दरवर्षी प्रतीक्षा असलेले ‘दैनिक पुढारी’ आयोजित आणि ‘गगन टूर्स’ प्रस्तुत, ‘टूर्स अँड ट्रॅव्हल्स एक्झिबिशन 2025’ पॉवर्ड बाय ‘अ हेवन हॉलिडे’ म्हणजे एकाच छताखाली जगभरातील पर्यटनस्थळांची माहिती मिळण्याचे अगदी हक्काचे प्रदर्शन. गगन टूर्स या प्रदर्शनाचे मुख्य प्रायोजक आहेत. बेळगाव व कोल्हापूरनंतर आता सांगली नगरीत हे प्रदर्शन होते आहे. देश-विदेशातील सहलींचे नियोजन करण्याची सुवर्णसंधी सांगलीकरांना मिळणार आहे. हे प्रदर्शन म्हणजे केवळ एक इव्हेंट नसून, पर्यटनाच्या दुनियेतील एक महाउत्सव आहे. येथे विविध टूर पॅकेजीस, पर्यटन व्यवसायातील नवनवीन ट्रेंड्स आणि आपल्या स्वप्नातील सुटीचे अचूक नियोजन करण्याची अनोखी संधी उपलब्ध होणार आहे. हे प्रदर्शन ग्राहकांसाठी एकाच ठिकाणी माहिती आणि संधींचा खजिना घेऊन आले आहे. येथे तज्ज्ञांशी थेट संवाद साधून आपल्या आवडीनुसार आणि बजेटनुसार सहल ‘कस्टमाईज’ करून घेण्याची सोय, हे या प्रदर्शनाचे मुख्य वैशिष्ट्य आहे.
महाराष्ट्रातील अनेक नामांकित टूर्स कंपन्या या प्रदर्शनामध्ये सहभागी होत असून त्यांचे माहिती देणारे स्टॉल्सही येथे मार्गदर्शक म्हणून उपलब्ध आहेत. टूर प्लॅनिंगपासून टूर डेस्टिनेशन्सची संपूर्ण माहिती या प्रदर्शनातून मिळणार आहे, शिवाय आकर्षक टूर पॅकेजसह भरपूर डिस्काऊंट देणार्या योजनांचा खजिनाही यानिमित्त पर्यटकांसाठी खुला होणार आहे. ऑफर्स आणि फायनान्स यासह सारे काही एकाच ठिकाणी उपलब्ध करून देणारे हे प्रदर्शन सहलींच्या नियोजनासाठी मार्गदर्शक आहे. सकाळी दहा ते रात्री आठ वाजेपर्यंत हे प्रदर्शन विनामूल्य सर्वांसाठी खुले आहे. अधिक माहितीसाठी संपर्क : 8805007148.
विविध पर्याय : हिमालयाच्या बर्फाळ डोंगररांगांपासून ते केरळच्या शांत बॅकवॉटर्सपर्यंत आणि युरोपच्या ऐतिहासिक शहरांपासून ते दुबईच्या आधुनिक वैभवापर्यंतचे असंख्य पर्याय. सर्व प्रकारच्या सहली : कौटुंबिक सहली, हनिमून पॅकेजीस, साहसी पर्यटन, बजेट टूर्स, कस्टमाईजड् टूर्स आणि ज्येष्ठ नागरिकांसाठी विशेष यात्रांची सविस्तर माहिती.
आकर्षक सवलती : केवळ प्रदर्शनासाठी असलेल्या खास ऑफर्स आणि सवलतींचा लाभ घेऊन ग्राहक आपल्या सहलीच्या खर्चात बचत करू शकतात. टूर्स कंपन्यांसाठी हक्काचे व्यासपीठ हे प्रदर्शन केवळ ग्राहकांसाठीच नव्हे, तर पर्यटन व्यवसायातील कंपन्यांसाठीही एक मोठे आणि हक्काचे व्यासपीठ आहे. हजारो संभाव्य आणि उत्सुक ग्राहकांना थेट भेटून आपल्या टूर पॅकेजीसची वैशिष्ट्ये समजावून सांगण्याची संधी कंपन्यांना मिळते. ग्राहकांशी होणारा थेट संवाद अधिक प्रभावी ठरतो, ज्यामुळे कंपन्यांना वर्षभर ग्राहक मिळण्यास मदत होते. आपल्या खास ऑफर्स थेट ग्राहकांपर्यंत पोहोचवून जागेवरच बुकिंग करण्यासाठी हे प्रदर्शन एक उत्तम माध्यम ठरणार आहे.
