सांगली ः काँग्रेसच्या बंडखोर नेत्या व जिल्हा बँकेच्या उपाध्यक्षा जयश्री पाटील यांच्या उपस्थितीत मदनभाऊ गटातील प्रमुख कार्यकर्त्यांची गुरुवारी, पाच जूनरोजी दुपारी बैठक होणार आहे. भाजप, राष्ट्रवादी काँग्रेस अजितदादा गट, की पुन्हा काँग्रेसमध्येच ते काम करणार, याची उत्सुकता आहे.
विधानसभा निवडणुकीच्यावेळी जयश्री पाटील यांनी काँग्रेसविरोधात बंडखोरी करीत अपक्ष निवडणूक लढवली. त्यानंतर काँग्रेसने त्यांना पक्षातून निलंबित केले. सध्या त्या जिल्हा बँकेच्या उपाध्यक्षा आहेत. स्थानिक स्वराज्य संस्थांच्या निवडणुकीत महापालिकेसह मिरज तालुक्यात मदनभाऊ गटाला सोबत घेण्यासाठी विविध राजकीय पक्षही उत्सुक आहेत. महापालिकेत या गटाचे 25 नगरसेवक आहेत. त्यामुळे पाटील यांच्या निर्णयाचा राजकीय परिणामही दिसून येणार आहे. नुकतेच राष्ट्रवादी शरद पवार गटाचे प्रदेशाध्यक्ष जयंत पाटील यांनी श्रीमती पाटील यांची निवासस्थानी भेट घेतली होती. या भेटीत काय शिजले ते गुरुवारच्या बैठकीत कळेल, असा कार्यकर्त्यांचा अंदाज आहे.
प्रवेश करतील, अशी अटकळ आहे. याशिवाय भाजपचाही पर्याय त्यांच्यासमोर आहे. जयश्री पाटील यांना काँग्रेसमध्येच थांबविण्यासाठी माजी मंत्री डॉ. विश्वजित कदम प्रयत्नशील आहेत. पक्षाने निलंबित केली असतानाही मध्यंतरी पालिका निवडणुकीबाबत कदम यांनी जयश्री पाटील यांच्याशीच चर्चा केली होती. त्यामुळे पाटील नेमका काय निर्णय घेणार, याकडे लक्ष लागले आहे.
