योगेवाडी - मणेराजुरी एमआयडीसीला टेंभूचे पाणी

तासगाव : पुढारी वृत्तसेवा

बहुचर्चित योगेवाडी - मणेराजुरी एमआयडीसीला टेंभू उपसा सिंचन योजनेतून पाणी देण्याचा निर्णय जलसंपदा विभागाने घेतला आहे. माजी गृहमंत्री आर आर पाटील यांचे स्वप्न असलेल्या या एमआयडीसी मधील उद्योगासाठी हक्काचे पाणी उपलब्ध व्हावे यासाठी आमदार सुमनताई पाटील आणि युवा नेते तथा यशवंतराव चव्हाण प्रतिष्ठानचे सदस्य रोहित आर आर पाटील हे सातत्याने प्रयत्न करत होते. (शुक्रवार) याबाबतचा शासन निर्णय जलसंपदा विभागाचे मुख्य अभियंता यांनी प्रसिद्ध केला आहे.