आटपाडी ः आटपाडी नगरपंचायतीकडून 19 मे 2026 पासून अतिक्रमणे हटवण्यासाठी मोहीम राबविण्यात येणार आहे.बाजार पटांगण परिसर, शुक्र ओढ्यालगतचा भाग, ब्राम्हण घाटाकडे जाणारा रस्ता, अंबाबाई मंदिर मार्ग, सांगोला चौकापर्यंतच्या रस्त्यांवरील अतिक्रमणे प्रशासनाच्या निशाण्यावर आहे.
येथील आठवडा बाजारासाठी बाहेरील तालुक्यांतील शेतकरी, व्यापारी आणि नागरिक मोठ्या संख्येने आटपाडीत येत असतात. मात्र बाजारासाठी जागा अपुरी पडत असल्याने अनेक व्यापाऱ्यांनी रस्त्यावरच ठिय्या मांडल्याने वाहतुकीची मोठी कोंडी निर्माण होत आहे. नगरपंचायतीच्या मालकीच्या जागांवरही मोठ्या प्रमाणात अतिक्रमण झाल्याचे समोर आले असून यासंदर्भात नगरपंचायतीने 20 मार्च 2026 रोजीच्या सर्वसाधारण सभेत ठराव मंजूर केला होता. त्यानुसार आता प्रशासन कारवाईस सज्ज झाले आहे.
