रोहे : मध्य रेल्वे एटीव्हीएम, यूटीएस सिस्टीम, मोबाईल यूटीएस इत्यादींद्वारे प्रवाशांना तिकीट काढणे सोपे करण्यात नेहमीच आघाडीवर राहिली आहे. प्रवाशांसाठी सर्वात सोयीस्कर आणि जलद तिकीट काढण्यासाठी मोबाईल यूटीएस सहाय्यकांची सुरुवात ही सर्वात महत्वाच्या उपक्रमांपैकी एक आहे.
छत्रपती शिवाजी महाराज टर्मिनस येथे ३१.१०.२०२५ रोजी मुंबई विभागात सुरू करण्यात आलेल्या मोबाईल यूटीएस सहाय्यकांनी दिनांक ३१.१०.२०२५ ते २८.०२.२०२६ या कालावधीत ३.५४ कोटी रुपये किमतीची १.८९ लाख तिकीट विक्री करून तिकिट बुकिंगसाठी एक सोयीस्कर पर्याय असल्याचे सिद्ध केले आहे. त्यांनी त्यांच्या ऑन-द-स्पॉट तिकीट बुकिंग प्रणालीद्वारे ४ महिन्यांच्या कालावधीत २.७० लाख प्रवाशांची वाहतूक सुनिश्चित केली आहे. फेब्रुवारी महिन्यात १.०८ कोटी रुपये किमतीच्या ५३,०३३ तिकिटे बुकिंग मार्फत ७२,७८३ प्रवासी या यादीत अव्वल आहे. तिकीट, प्रवासी आणि विक्री महसूल संख्या सातत्याने वाढत असल्याने या उपक्रमाची लोकप्रियता वाढत आहे.
सध्या छत्रपती शिवाजी महाराज टर्मिनस येथे ३ एम-यूटीएस सहाय्यक कार्यरत आहेत. त्यांना एक मोबाईल फोन आणि स्वतःला सोबत एक छोटे तिकीट प्रिंटिंग मशीन दिले जाते. हे एम-यूटीएस सहाय्यक कॉन्कोर्सवर किंवा होल्डिंग एरियामध्ये किंवा रेल्वे परिसरात वाट पाहणाऱ्या व्यक्तींकडे जातात आणि तिकिटाचे भाडे घेऊन तिकिटे देतात. त्यांना काउंटरमध्ये बसून तिकिटे देण्याची देखील परवानगी आहे. प्रवाशांना डिजिटल किंवा रोख पेमेंटचा पर्याय आहे.
छत्रपती शिवाजी महाराज टर्मिनस व्यतिरिक्त, भारतीय रेल्वेवरील नवी दिल्ली, कोलकाता, बेंगलुरू आणि चेन्नई रेल्वे स्थानकांवर मोबाईल यूटीएस सहाय्यक देखील सुरू करण्यात आले आहेत. सणासुदीच्या काळात तिकीट सुविधा सुलभ करण्यासाठी आणि त्याद्वारे प्रवाशांना चांगल्या सुविधा देण्यासाठी मध्य रेल्वेने मोबाईल यूटीएस सहाय्यकांची सुविधा हा आणखी एक पुढाकार घेतला आहे. प्रवाशांना मोबाईल यूटीएस सहाय्यकांच्या सेवांचा लाभ घेण्यास प्रोत्साहित केले जात आहे कारण ते सोयीस्कर आणि वेळेची बचत करणारे आहेत.
