रायगड : राष्ट्रीय केमिकल्स अँड फर्टीलायझर्स (आरसीएफ) लिमिटेड, थळतर्फे निगमित सामाजिक दायित्वअंतर्गत कारखाना परिसरातील थळ मच्छीमार महिलांना शीतपेट्यांचे वाटप करण्यात आले. २३ डिसेंबर रोजी दुपारी चार वाजता कारखान्यालगतच्या शेतकरी प्रशिक्षण केंद्रात आयोजित एका कार्यक्रमात कार्यकारी संचालक (थळ) नितिन हिरडे आणि महाव्यवस्थापक संजीव हरळीकर यांच्या हस्ते शीतपेट्यांचे वाटप करण्यात आले.
थळ कारखाना परिसरातील थळ मच्छीमार सहकारी सो.लि. आणि नवेदार नवगाव बोरेश्वर सर्वोदय सहकारी सो.लि. यांच्याकडून विनंती पत्रानुसार सुमारे एक हजार मच्छीमार महिलांना मासे व्यवसायासाठी शितपेट्यांची आवश्यकता असून आरसीएफच्या सीएसआरअंतर्गत त्या देण्याबाबत आवाहन करण्यात आले होते. या आवाहनाला सकारात्मक प्रतिसाद देत आरसीएफ व्यवस्थापनातर्फे एक हजार शितपेट्या उपलब्ध करून देण्यात आल्या.
महिला सशक्तीकरणासाठी आणि त्यांना यशस्वी जीवन जगण्यासाठी आरसीएफने आपली भूमिका प्रगल्भपणे पार केली आहे. आपल्याला विश्वास आहे की या शीतपेटीमुळे या महिला मच्छिमारांच्या जीवनात एक महत्त्वपूर्ण बदल घडेल आणि ते अधिक आत्मविश्वासी होऊन आपला व्यवसाय आणि कुटुंब चालवू शकतील असे प्रतिपादन कार्यकारी संचालक (थळ) नितिन हिरडे यांनी या वेळेस केले. याचबरोबर महाव्यवस्थापक संजीव हरळीकर यांनी सीएसआरच्या माध्यमातून कारखाना परिसरात विविध लोकोपयोगी उपक्रम राबविले जातील याची ग्वाही दिली.
या प्रसंगी उपमहाव्यवस्थापक (मानव संपदा प्रशासन) विनायक पाटील, उपमहाव्यवस्थापक (ईटीपी) उदय चव्हाण, मुख्य प्रशासकीय व्यवस्थापक महेश पाटील, कॉर्पोरेट सीएसआर सल्लागार धनंजय खामकर, वरिष्ठ व्यवस्थापक सीएसआर हर्षला शिंदे, वरिष्ठ जनसंपर्क अधिकारी (थळ) संतोष वझे, वरिष्ठ जनसंपर्क अधिकारी (थळ) राकेश कवळे यांसह पदाधिकारी व लाभार्थी उपस्थित होते.
असे प्रतिपादन कार्यकारी संचालक (थळ) नितिन हिरडे यांनी या वेळेस केले. याचबरोबर महाव्यवस्थापक संजीव हरळीकर यांनी सीएसआरच्या माध्यमातून कारखाना परिसरात विविध लोकोपयोगी उपक्रम राबविले जातील.
