Gram Panchayat Polls 2026
रायगड: रायगड जिल्ह्यातील १८ ग्रामपंचायतींच्या निवडणूक प्रक्रियेला मंगळवारी (दि.२८) सकाळी उत्साहात सुरुवात झाली. सकाळी ७:३० ते ९:३० या पहिल्या दोन तासांच्या कालावधीत सरासरी १६.३९% मतदान झाल्याची माहिती प्रशासनाकडून देण्यात आली आहे. यामध्ये महिला मतदारांच्या तुलनेत पुरुषांच्या मतदानाचा टक्का अधिक असल्याचे दिसून आले आहे.
एकूण मतदान: पहिल्या दोन तासांत एकूण १४,२३८ मतदारांपैकी २,३३३ मतदारांनी आपला हक्क बजावला.
पुरुष व महिला मतदान: पुरुषांचे मतदान १८.१६% झाले असून महिला मतदानाची टक्केवारी १४.६४% इतकी आहे.
*सर्वाधिक मतदान:मुरुड तालुक्यातील काशिद ग्रामपंचायतीमध्ये सकाळी ९:३० पर्यंत सर्वाधिक ३०.२४%मतदान झाले. त्यापाठोपाठ खालापूरमधील होराळे येथे ३०.१४% मतदान झाले आहे.
सर्वात कमी मतदान: श्रीवर्धन तालुक्यातील दिवेआगर येथे सर्वात कमी म्हणजे केवळ १०.१२% मतदान झाले आहे.
तालुका ग्रामपंचायत मतदान टक्केवारी (%)
मुरुड काशिद - मांडला - ३०.२४ % (काशिद सर्वाधिक)
महाड - मोहोप्रे, ताम्हाणे, वराठी २१.९४ % (मोहोप्रे)
पोलादपूर - महालगुर २०.५५ %
अलिबाग - नागाव, खंडाळे १५.११ % (नागाव) |
कर्जत - पाली तर्फे कोतल १५.५ %
म्हसळा - तुभे बु., घोणसे २९.४५% (तुभे बु.) |
रोहा - पुई १४.२६ %
सकाळच्या सत्रात काही ठिकाणी मतदारांच्या रांगा पाहायला मिळाल्या, तर काही दुर्गम भागांत मतदानाचा वेग काहीसा मंद होता. अलिबाग तालुक्यातील नागाव (१५.११%) आणि खंडाळे (१३.५८%) येथे मतदारांनी संमिश्र प्रतिसाद दिला आहे. दुपारच्या सत्रात मतदानाचा हा टक्का वाढण्याची शक्यता वर्तवण्यात येत आहे.
