Raigad Heavy Rain गेली चार दिवस सतत मुसळधार पडत असलेल्या पावसामुले रोहा कोलाड मार्गावर रोह्यातील सुदर्शन कॉलनी परिसरात मोरया चायनीजजवळ रविवारी सायंकाळच्या सुमारास भलेमोठे वडाचे झाड अचानक रस्त्यावर कोसळल्याने रोहा-कोलाड मुख्य रहदारीच्या मार्गावरील वाहतूक पूर्णपणे विस्कळीत झाली आहे. तर झाड रस्त्याच्या मध्यभागी आडवे पडल्यामुळे मोठी अवजड व चारचाकी वाहने, बस आणि मालवाहू वाहनांची वाहतूक पूर्णपणे ठप्प झाली असून केवळ दुचाकी वाहनांसाठी काही श्रमदात्याने झाडाच्या फांद्या बाजूला करून दुचाकी स्वार अत्यंत सावधगिरीने मार्ग काढत ये जा करत आहेत .
सदरच्या घटनेची माहिती मिळताच परिसरातील नागरिकांनी घटनास्थळी धाव घेतली. रस्ता बंद झाल्यामुळे दोन्ही बाजूंना वाहनांच्या रांगा लागल्या असून प्रवाशांना मोठा मनस्ताप सहन करावा लागत आहे. परंतु सुदैवाने या घटनेत कोणतीही जीवितहानी घडली नाही.तर मार्गावर कोसळले झाड काढण्यासाठी अत्याधुनिक यंत्राच्या साह्याने काढण्यासाठी शर्थीचे प्रयत्न करत असल्याचे समजते.
