पनवेल : सायन पनवेल मार्गावरील कळंबोली सर्कल येथे सुरू असलेल्या उड्डाणपुलाच्या कामाला वेग आला असून प्रकल्प नियोजनबद्ध पद्धतीने पुढे सरकत आहे. या प्रकल्पातील विविध टप्पे वेळेत पूर्ण करण्यासाठी विशेष प्रयत्न सुरू आहेत. सध्या आर्म-3 विभागातील डेक स्लॅबचे काम पूर्ण झाले असून उर्वरित भागातही काम जलदगतीने सुरू आहे.
आर्म-5 आणि आर्म-6 या जंक्शनच्या (महत्त्वाच्या जोडणाऱ्या भागाच्या) कामाला प्राधान्य देण्यात आले आहे, कारण हा प्रकल्पातील ‘क्रिटिकल स्पॅन’ मानला जातो. अधिकाऱ्यांच्या मते, हा भाग सप्टेंबर अखेरपर्यंत पूर्ण करण्याचे उद्दिष्ट ठेवण्यात आले आहे.
कामाच्या प्रगतीसोबत वाहतूक व्यवस्थापनालाही विशेष महत्त्व दिले जात आहे. कळंबोली परिसरात काही प्रमाणात वाहतूक कोंडी होत असली तरी रॅम्प आणि डायव्हर्जनचे काम सुरू असल्याने परिस्थिती नियंत्रणात आहे. पर्यायी मार्गांची योग्य आखणी केल्यामुळे वाहनचालकांना मोठा त्रास होत नाही, अशी माहिती प्रकल्पाचे मॅनेजर हेड ऋषिकेश कोरडे यांनी दिली.
आर्म-3 साठी एमजीएम समोरील डायव्हर्जन मार्गाचे कामही 31 मेपर्यंत पूर्ण करण्याचा प्रयत्न सुरू आहे. या प्रकल्पाचे काम नियोजनानुसार आणि योग्य तांत्रिक पद्धतीने सुरू असल्याने येत्या काळात या उड्डाणपुलामुळे परिसरातील वाहतूक अधिक सुरळीत होण्याची अपेक्षा व्यक्त केली जात आहे. उड्डाणपुलाचे बांधकाम विविध “आर्म्स”मध्ये (मार्ग/दिशा) विभागून केले जात आहे, ज्यामुळे प्रत्येक दिशेतील वाहतुकीचा ताण वेगवेगळ्या टप्प्यांमध्ये हाताळता येतो.
आर्म-3 या भागातील डेक स्लॅबचे काम पूर्ण झाले आहे. हा टप्पा पूर्ण होणे म्हणजे उड्डाणपुलाच्या मुख्य रचनेतील मोठी प्रगती मानली जाते. आर्म-5 आणि आर्म-6 या दोन्ही आर्म्सचा जंक्शन भाग अत्यंत महत्त्वाचा असून, तो “क्रिटिकल स्पॅन” म्हणून ओळखला जातो. या भागातील काम सध्या प्राधान्याने सुरू आहे. गुंतागुंतीचा हा टप्पा असल्यामुळे येथे अधिक दक्षता घेतली जात आहे. अधिकाऱ्यांच्या अंदाजानुसार, हा भाग सप्टेंबर अखेरपर्यंत पूर्ण होऊ शकतो.
वाहतुकीची दिशा सुलभ होणार
रॅम्पचे काम सध्या सुरू असून, ते पूर्ण झाल्यानंतर वाहतुकीची दिशा अधिक सुलभ होईल. डायव्हर्जन मार्गांची उभारणी टप्प्याटप्प्याने केली जात आहे, ज्यामुळे वाहनचालकांना पर्यायी मार्ग उपलब्ध होत आहेत. विशेष म्हणजे, काम सुरू असतानाही “ट्रॅफिक अनडिस्टर्ब्ड” ठेवण्यावर भर देण्यात आला आहे. आर्म-3 साठी आवश्यक डायव्हर्जन काम 31 मेपर्यंत पूर्ण करण्याचे लक्ष्य आहे. उर्वरित आर्म्समधील संरचनात्मक काम टप्प्याटप्प्याने पूर्ण केले जाणार आहे.
