मुरुड जंजिरा : सुधीर नाझरे
किल्ला मुरुड तालुक्यातील राजपुरी ग्रामपंचायत हद्दीतील ऐतिहासिक जंजिरा पावसाळ्यात शासनाकडून पर्यटकांच्या सुर-क्षेसाठी किल्ल्याचे दरवाजे बंद करण्यात आले होते. रविवारी (५ ऑक्टोबर) ५ महिन्यांनी पुरातत्व विभागाने ऐतिहासिक जंजिरा किल्लाचे दरवाजे पुरातत्व विभागाचे बहुउद्देशीय कर्मचारी-प्रकाश घुगरे यांच्या हस्ते उघडले. यामुळे पर्यटकांची व स्थानिक व्यवसायिकांची प्रतिक्षा आता संपली.
ऐतिहासिक जंजिरा किल्ल्यावर जाण्यासाठी राजपुरी जेट्टी, खोरा बंदर, दिघी बंदरावरुन पर्यटकांची ने आण केली जाते. जंजिरा किल्ला पाहण्यासाठी महाराष्ट्रातील अनेक भागातुन दरवर्षी लाखो पर्यटक ये-जा करतात. पर्यटकांना शिडाच्या बोटीमधुन प्रवास करताना एक वेगळाच आनंद मिळतो. जास्तीत जास्त पर्यटक शिडाच्या बोटीत बसणे अधिक पसंत करीत असतात. पर्यटकांच्या आगमनामुळे स्थानिकांना रोजगार उपलब्ध होणारआहे. व्यवसायकाना दिलासा मिळणार आहे.
जंजिरा पर्यटक सहकारी संस्था मर्यादित राजपुरी शिडाच्या बोटचालक, मालक यांनी जंजिरा किल्ल्या चे दरवाजे उघडल्याने समाधान व्यक्त केले. बारामती पुणे येथील आकाश होळकर यांनी यावेळी किल्ल्याचे तिकीट पहिले तिकीट काढले.
आम्ही किल्ला पाहण्यासाठी दोन दिवसांपूर्वी आलो होतो परंतु किल्ला बंद असल्याने काल किल्ला पाहता आला नाही आज पुरातत्व विभागाने किल्ला पाहण्यासाठी आम्हाला परवानगी दिल्याने आम्ही सर्व समाधानी असल्याचे नमूद केले.
किल्ला पाहण्यासाठी १५ वर्षाच्या आतील मुला-मुलींना शुल्क माफ आहे. १६ वर्षावरील व्यक्तीसाठी २५ रुपये आकारण्यात येणार आहे. तसेच ऑनलाईन क्यु आर कोडची सुविधा उपलब्ध करून देण्यात आली आहे. प्रकाश घुगरे, पुरातत्व विभाग कर्मचारी
किल्ल्याची साफसफाई पूर्ण
पावसाळ्या मध्ये किल्ल्याच्या अवती भवती पाच ते सहा फुट उंचीची झाडेझुडपे गवत वाढल्याने झुडपात सरपटणारे जनावरे असु शकतात यापासून कोणाला धोका होऊ नये त्या करिता पुरातत्व विभागाने किल्लाचे दरवाजे पर्यटकांसाठी उघडले नव्हते. आता संपूर्ण किल्लाची साफ सफाई झाली आहे. रविवारपासून पर्यटकांनसाठी किल्ला खुला करण्यात आला आहे.
