रेवदंडा ः अलिबाग तालुक्यातील चौल भोवाळे श्री दत्त मंदिर परिसर जंगलभागातून अवैधरित्या शिसव वृक्षतोड करणार्या तिघांना वनाधिका़र्यांनी सापळा रचून अटक केली.
नागाव वनाधिकारी यांना चौल भोवाळे येथील श्री दत्त मंदिर परिसरातील जंगलभागात वृक्ष तोड करून वाहनाने वाहतुक करीत असल्याची खबर मिळाली होती.त्यानुसार वनविभागाने परिसरात सापळा रचून मनोज सुभाष खारकर रा. चौल, राकेश किसन भोईर रा. चौल, अजय अनंत शेळके रा. चौल या तीन संशयितांना ताब्यात घेऊन चौकशी केली असता सरकारी जंगलातून एक शिसव प्रजापतीचे वृक्ष अवैधरित्या तोड करून काही मुद्देमाल हा माधव मुंकूद बापट रा. चौल यांचे घरी वाहनाचे पोहोच केल्याचे सांगितले.
मनोज सुभाष खारकरचा माड तोडण्याचा व विकण्याचा व्यवसाय असून अनेकदा मालकी क्षेत्रात बांधनकारक वृक्ष अवैधरित्या तोडून विक्री करीत असे तसेच साथीदार राकेश किसन भोईर हा सरकारी मालकी जागेतील झाडे शोधून मागणी प्रमाणे शोधून यांची माहिती मनोज खारकर यांना देत असे. तसेच तो्रडलेला माल अजय शेळके यांच्या मालकीच्या वाहनातून वाहतूक करीत असे. वनविभाग अनेक दिवस त्यांचा मागे होते, अखेर गुप्त माहिती प्राप्त होताच त्याना मुद्देमालासह अटक करण्यात आले. यातील माधव बापट यांना त्यांचे घरातील फर्निचर साठी शिसव लाकडाची गरज असल्याने त्यांनी मनोज खारकरकडे सदर लाकडाची मागणी केली होती.
वनविभागाने कारवाईत मौजे चौल संरक्षित वन गट नं. 2713 येथून 7 घ.मी. 0.568 आकाराचे अंदाजे 2, 548 रूपये किमंतीचे एकूण 7 शिसव नग व माधव मुंकूद बापट यांचा रहाते घराचे पाठीमागील बाजूस 07 घ.मी. 0.408 आकाराचे अंदाजे 1749 रूपये किमंतीचे शिसव वृक्षाचे 7 नग असे एकूण 14 शिसव नग मुद्देमाल जप्त केला. तसेच यामध्ये चोरीचा मुद्देमाल वाहतुकीस वापरलेले. वाहन जप्त करण्यात आले.
