पनवेल | विधानसभा सार्वत्रिक निवडणुकीच्या पार्श्वभूमीवर प्रशासन सतर्क झाले असून महामार्गावर पळस्पे येथे वाहनांची तपासणी करताना भरारी पथकाने साडेतीन लाखांची रोकड एका टेम्पोमधून जप्त केली. अशाप्रकारे रक्कम जप्त करण्याची ही दुसरी घटना आहे. यापूर्वी सहा लाखांची रोकड जप्त करण्यात आली होती.
पनवेल विधानसभा मतदारसंघ, निवडणूक विभाग अंतर्गत आचारसंहिता पथकांतर्गत भरारी पथक क्र. ०१ बेकायदेशीर रोकड, अन्य संशयास्पद हालचालींवर लक्ष ठेवणे, वाहन तपासण्याचे कर्तव्य करत असताना सकाळी पळस्पे फाटा चेक नाका येथे रोडवरुन जाणाऱ्या गाडी कॅरी टेम्पो थांबवून तपासणी केली. त्या गाडीमध्ये ३, ४९,५००/- मात्र रोख रक्कम आढळून आली. सदरील रक्कम संशयास्पद असल्याने ही रक्कम भरारी पथक क्र.१ मार्फत जप्त करणेत आली. या रकमेबाबत अद्याप ठोस माहिती मिळालेली नाही. ही कारवाई १८८ पनवेल विधानसभा मतदारसंघाचे निवडणूक निर्णय अधिकारी पवन चांडक यांच्या मार्गदर्शनाखाली करण्यात आली.
या कारवाई वेळी सहाय्यक निवडणूक निर्णय अधिकारी विजय पाटील, आचारसंहिता पथक प्रमुख भारत राठोड, सहाय्यक निवडणूक निर्णय अधिकारी, संदीप कराड, सहाय्यक निवडणूक निर्णय अधिकारी, संजय भालेराव, सहाय्यक खर्च निरिक्षक, विजय फासे, सहाय्यक खर्च निरिक्षक, संजय आपटे, आचारसंहिता पथक प्रमुख महेश पांढरे, आचार संनियंत्रण अधिकारी, शरद गिते, आचारसंहिता पथक सहाय्यक प्रमुख जी. एस. बहिरम, सहा. समन्वयक आचारसंहिता कक्ष, दिनेश भोसले तुषार म्हात्रे, नितेश चिमणे, आशा डोळस, तसेच भरारी पथक क्र. १ पथकाचे प्रमुख लक्ष्मण जाधव, सहा. पथक प्रमुख, सचिन पवार, पनवेल शहर पोलीस ठाण्याचे दौलराव माने, राम म्हात्रे, गणपती पाटील, खारघर पोलीस ठाण्याचे भूषण चौधरी उपस्थित होते.
