पुणे : राज्यात शनिवार (दि. 18) पासून 22 एप्रिलपर्यंत पुन्हा एकदा अवकाळी पावसाचा अंदाज वर्तवण्यात आला आहे. त्यामुळे कमाल तापमानात किंचित घट होणार असून काही दिवसांपासून उकाड्याने त्रस्त झालेल्या नागरिकांना दिलासा मिळू शकतो. शुक्रवारी अकोला, अमरावतीचे तापमान 44.2, तर पुणे 40 अंशांवर पोहोचले होते.
एप्रिलच्या पहिल्या आठवड्यात पाच दिवस पाऊस होता. त्यानंतर पुन्हा तापमान वाढले. दुसरा आठवडा चांगलाच उष्णतेचा राहिला. आता 18 ते 22 एप्रिल या चार दिवसांत पुन्हा अवकाळी पावसाचा इशारा देण्यात आला आहे.
अकोला 44.2, अमरावती 44.2, पुणे 40, जळगाव 41.5, कोल्हापूर 38.1, महाबळेश्वर 33.1, मालेगाव 43.4, नाशिक 37.5, सांगली 39.5, सातारा 41.2, सोलापूर 43.4, धाराशिव 41.2, छत्रपती संभाजीनगर 41.4, परभणी 42, बीड 40.8,, बुलडाणा 41.5, ब्रह्मपुरी 43.2, चंद्रपूर 43.4, गोंदिया 41.9, नागपूर 43.2, वाशीम 43.6, वर्धा 44, यवतमाळ 43.2.
