रावेतमध्ये हिट अँड रन ; तरुणाचा मृत्यू

पिंपरी : पिंपरी चिंचवड शहरातील रावेतमधील फेलीसिटी सोसायटी समोर अनेक कुटुंबीय दिवाळीनिमित्त फटाके फोडत होते. त्याचवेळी भरधाव वेगात आलेल्या चारचाकी वाहनाने सोहम जयेशकुमार पटेल वय (३८) यास चिरडले. ही घटना शुक्रवार (दि.१) रोजी रात्री नऊच्या सुमारास घडली.

या घटनेची नोंद रावेत पोलीस ठाण्यात करण्यात आली आहे. या घटनेवेळी सोसायटी समोर अनेक कुटुंबीय उत्सव साजरा करीत होते. थोडक्यात काही जणांचे प्राण वाचले. या घटनेला तीन दिवस उलटून गेले तरीदेखील अद्यापही आरोपीचा शोध लागलेला नाही. त्यामुळे मृताच्या कुटुंबीयांनी संताप व्यक्त केला आहे.