सासवड : पुरंदर तालुक्यातील निरा कृषी उत्पन्न बाजार समितीच्या सासवड उपबाजार धान्याची मोठ्या प्रमाणात आवक होते. येथे बुधवारी (दि. 17) ज्वारीला प्रतिक्विंटलला सर्वाधिक 3 हजार 400 रुपयांचा दर मिळाल्याची माहिती बाजार समितीचे सभापती संदीप फडतरे यांनी दिली.(Latest Pune News)
सासवड उपबाजारात वाघापूर, माळशिरस, परिंचे, गराडे, दिवे, वाल्हा, राजुरी सह संपूर्ण पुरंदर, बारामती, दौंड, इंदापूर, भोर अशा विविध भागांतून ज्वारी, बाजरी, गहू, तांदूळ, हरभरा असे धान्य विक्रीसाठी येते. येथे एक नंबर प्रतीच्या ज्वारीला कमाल 3 हजार 400, तर दोन नंबरच्या ज्वारीला किमान 2 हजार 700 हजार, तर सरासरी 3 हजार 50 हजार रुपये प्रतिक्विंटल असा दर मिळाला, असे सचिव मिलिंद जगताप यांनी सांगितले.
या वेळी सभापती संदीप फडतरे, उपसभापती बाळासो शिंदे, संचालक शरद जगताप, वामन भाऊ कामठे, देविदास कामठे, सुशांत कांबळे, शरयू वाबळे, गणेश होले, भाऊसाहेब गुलदगड, पंकज निलाखे, अनिल माने, अशोक निगडे, संचालिका शहजान शेख, लिपीक विकास कांबळे यांसह व्यापारी रूपचंद कांडगे, राजेंद्र जळिंद्रे, अविनाश महाजन, नंदकुमार महाजन, सत्यवान पवार, जितेंद्र महाजन, शैलेश विरकर आदी उपस्थित होते.
गुळाला 4200 रुपये भाव
निरा बाजारात गुळाची आवक 250 बॉक्स 50 क्विंटल झाली होती. या गुळाला प्रतिक्विंटल किमान 4150, कमाल दर 4250 रुपये मिळाला. याबाबत सहसचिव नितीन किकले, कृष्णात खलाटे, प्रवीण कर्णवर यांनी माहिती दिली. या वेळी गूळ व्यापारी शांतिकुमार कोठडिया उपस्थित होते.
