Rohit Pawar PA daughter death : बारामती शहरातील रुई परिसरातील साईनगर येथून एक अत्यंत धक्कादायक बातमी समोर आली आहे. राष्ट्रवादी काँग्रेस (शरदचंद्र पवार) पक्षाचे आमदार रोहित पवार यांच्या स्वीय सहाय्यकाच्या (PA) अजित दशावतारेअल्पवयीन मुलीचा संशयास्पद स्थितीत मृतदेह आढळल्याने संपूर्ण परिसरात मोठी खळबळ उडाली आहे. दरम्यान, आमदार रोहित पवार बारामतीच्या शासकीय वैद्यकीय महाविद्यालय येथे दाखल झाले आहेत.
साईनगर भागात मुलीचा मृतदेह मिळून आल्यानंतर स्थानिकांनी तातडीने पोलिसांना माहिती दिली. हा प्रकार हत्या आहे की मुलीने स्वतःचे जीवन संपवले, याबाबत अद्याप कोणतीही स्पष्टता आलेली नाही. पोलीस घटनास्थळी दाखल झाले असून त्यांनी पंचनामा करत पुढील तपास सुरु केला आहे.
आमदार रोहित पवार बारामतीच्या शासकीय वैद्यकीय महाविद्यालय येथे दाखल झाले आहेत. दरम्यान, मृतदेह शवविच्छेदनासाठी पाठवण्यात आला असून त्याचा अधिकृत वैद्यकीय व फॉरेन्सिक अहवाल आल्यानंतरच मृत्यूचे नेमके आणि अचूक कारण समोर येईल, असे पोलिसांकडून सांगण्यात आले आहे. पोलीस परिसरातील सीसीटीव्ही आणि इतर घटकांची तपासणी करत आहेत.
मुलीच्या शरीरावर जखमा असल्याचे देखील स्पष्ट झाले आहे. त्यामुळे मुलीला इमारतीवरून फेकून दिले आहे का? मुलीची हत्या करून मुलीचा मृतदेह इमारती बाहेर कुणी आणून टाकला? याचा तपास आता पोलीस करत आहेत.
