Latest Market Update
पुणे: पावसामुळे सातारी आल्याची काढणी रखडल्याने बाजारातील आल्याच्या आवकेत मोठी घट झाली आहे. त्यातुलनेत मागणी चांगली असल्याचे आल्याचे भाव दहा ते वीस टक्क्यांनी वधारले आहे. रविवारी राज्यासह परराज्यातून 90 ट्रकमधून शेतमाल विक्रीसाठी दाखल झाला. आवक-जावक कायम राहिल्याने सर्व फळभाज्यांचे गतआठवड्यातील दर टिकून होते.
परराज्यांतून झालेल्या आवकमध्ये कर्नाटक, गुजरात, आंध्र प्रदेश, उत्तर प्रदेश हिरवी मिरची 8 ते 10 टेम्पो, कर्नाटक येथून कोबी 3 ते 4 टेम्पो, आंध्र प्रदेश आणि तामिळनाडू येथून शेवगा 3 ते 4 टेम्पो, इंदोर येथून गाजर 8 ते 10 टेम्पो, कर्नाटक येथून पावटा 2 ते 3 टेम्पो, तामिळनाडू येथून तोतापुरी कैरी 1 टेम्पो, कर्नाटक येथून घेवडा 2 ते 3 टेम्पो, गुजरात येथून भुईमूग शेंग 2 टेम्पो, मध्यप्रदेश येथून लसूणाची सुमारे 10 ते 12 टेम्पो तर इंदौर, आग्रा, स्थानिक भागातून बटाटा 60 टेम्पो इतकी आवक झाली होती.
स्थानिक भागातून झालेल्या आवकमध्ये सातारी आले सुमारे 500 गोणी, भेंडी 5 ते 6 टेम्पो, गवार 5 ते 6 टेम्पो, टोमॅटो 7 ते 8 हजार क्रेट, हिरवी मिरची 3 ते 4 टेम्पो, काकडी 7 ते 8 टेम्पो, फ्लॉवर 8 ते 10 टेम्पो, कोबी 5 ते 6 टेम्पो, ढोबळी मिरची 8 ते 10 टेम्पो, शेवगा 2 ते 3 टेम्पो, भुईमुंग शेंग 50 ते 60 गोणी, मटार 400 ते 500 गोणी, तांबडा भोपळा 10 ते 12 टेम्पो व कांद्याची सुमारे 100 टेम्पो इतकी आवक झाली होती, अशी माहिती मार्केट यार्डमधील ज्येष्ठ अडते विलास भुजबळ यांनी दिली.
कोथिंबीर, मेथी महागली; अन्य पालेभाज्या स्थिर
जिल्ह्यासह पुणे विभागात पावसाने विश्रांती घेतल्यानंतर मार्केट यार्डात पालेभाज्यांची आवक वाढली आहे. आवकच्या तुलनेत मागणी जास्त असल्यामुळे घाऊक बाजारात मागील आठवड्याच्या तुलनेत कोथिंबिर आणि मेथीच्या भावात अनुक्रमे 5 आणि 2 रुपयांनी वाढ झाली आहे.
चाकवत, राजगिरा आणि पालकच्या भावात प्रत्येकी 1 रुपयांनी घसरण झाली आहे. मागणी आणि पुरवठा यातील समतोलामुळे उर्वरित पालेभाज्यांचे भाव मागील आठवड्याच्या तुलनेत स्थिर आहेत. येथील बाजारात रविवारी (दि. 3) कोथिंबिरीची सुमारे सव्वा लाख जुडी आवक झाली. ही आवक मागील आठवड्याच्या तुलनेत स्थिर आहे, तर मेथीची 60 हजार जुडी आवक झाली. ही आवक मागील आठवड्याच्या तुलनेत 10 हजार जुडीने वाढली असल्याची माहिती व्यापार्यांनी दिली.
