पुणे: मार्गशीर्ष महिना संपल्याने बाजारात झेंडू, शेवंती, ॲष्टर आदी सुट्या फुलांच्या मागणीत घट झाली आहे. तर, लग्नसराईमध्ये खंड पडल्याने बाजारात डच गुलाब, कार्नेशियन, जर्बेरा, लिलियम, ऑर्चिड आदी शोभिवंत फुलांच्या मागणीत मोठी घट झाली आहे. थंडीमुळे आवकही कमी आहे. त्यातुलनेत मागणी कमी असल्याने फुलांच्या दरात दहा टक्क्यांनी घट झाल्याचे सांगण्यात आले.
फुलांचे प्रतिकिलोचे दर पुढीलप्रमाणे
झेंडू : 20-30, गुलछडी : 50-60, ॲष्टर : जुडी 14-20, सुट्टा 60-100, कापरी : 30-40, शेवंती : 50-70, गुलाबगड्डी (गड्डीचे भाव) : 10, गुलछडी काडी : 40-50, डच गुलाब (20 नग) : 130-150.
जर्बेरा : 20-25, कार्नेशियन : 80-100, शेवंती काडी 150-180, लिलियम (10 काड्या) 500-800, ऑर्चिड 400-500, ग्लॅडिओ (10 काड्या) : 50-80, जिप्सोफिला : 100-150, लीली बंडल : 8-20.
