पुणे: गुलटेकडी मार्केट यार्डातील घाऊक फुलबाजारात सर्व प्रकारच्या फुलांची आवक स्थिर आहे. अधिक मास सुरू होऊन लग्नसराई संपल्याने सजावटीसाठी लागणाऱ्या डच गुलाब, कार्नेशियन, जर्बेरा, लिलियम, ऑर्चिड तसेच केशरचनेसाठी लागणाऱ्या जिप्सोफिला, मोगरा आदी फुलांच्या मागणीत मोठी घट झाली आहे.
बाजारात दाखल झालेल्या फुलांच्या तुलनेत मागणी खूपच घटल्याने या फुलांचे दर गेल्या आठवड्याच्या तुलनेत निम्म्यावर आले आहेत. तर झेंडू, शेवंती, ॲष्टर आदी सुट्या फुलांचे दर कायम आहेत, अशी माहिती फूल अडतदार सागर भोसले यांनी दिली.
फुलांचे प्रतिकिलोचे दर पुढीलप्रमाणे : झेंडू : 20-50, गुलछडी : 80-120, ॲष्टर : जुडी 10-20, सुट्टा 100-150, कापरी : 20-50, शेवंती : 50-130, गुलाबगड्डी (गड्डीचे भाव) : 20-30, गुलछडी काडी : 20-80, डच गुलाब (20 नग) : 60-120, जर्बेरा : 30-50, कार्नेशियन : 100-150, शेवंती काडी 150-250, लिलियम (10 काड्या) 1000-1500, ऑर्चिड 500-600, ग्लॅडिओ (10 काड्या) : 100-130, जिप्सोफिला : 150-300, लीली बंडल : 5-6, मोगरा : 200-300.
