पुणे: शहरातील वकिलांची शिखर संघटना असलेल्या पुणे बार असोसिएशनच्या अध्यक्षपदासाठी झालेल्या चुरशीच्या लढतीत ॲड. काळुराम भुजबळ यांनी निर्विवाद वर्चस्व राखत विजय मिळविला. त्यांनी प्रतिस्पर्धी उमेद्वार ॲड. विशाल शिवले यांचा ५९७ मतांनी पराभव केला. ॲड. भुजबळ यांना ३ हजार ८०७ मते मिळाली.
शिवाजीनगर येथील जिल्हा सत्र न्यायालयातल अशोका हाॅल येथे बुधवारी मतदान आणि मतमोजणी प्रक्रिया पार पडली. गुरूवारी दुपारी एकपर्यंत मतमोजणीचा कार्यक्रम पार पडल्यानंतर निकाल जाहीर करण्यात आला. उपाध्यक्ष पदाच्या दोन जागांसाठी झालेल्या तिरंगी लढतीत ॲड. कांताराम नप्ते हे ३ हजार ६१९ मते तर ॲड. प्रतापराव मोरे हे 2 हजार ७०६ मते घेऊन विजयी झाले. महिला राखीव गटातून ॲड. प्रितीसिंह परदेशी यांनी ३ हजार ४७ मते मिळवित विजय संपादन केला.
सचिव पदी ॲड. सम्राट जांभुळकर आणि ॲड. अभिजीत पोळ हे विजयी झाले. त्यांना अनुक्रमे ४ हजार २७२ आणि ३ हजार ३४४ मते मिळाली. महिला राखीव गटातून ॲड. पूजा पवार यांनी ३ हजार ८७६ मते मिळवित विजय संपादन केला. खजिनदारपदासाठी झालेल्या लढतीत ॲड. अंजली बांदल यांनी निर्विवाद वर्चस्व राखत ५ हजार २७४ मते मिळविली. आॅडीटर पदासाठी झालेल्या लढतीत ॲड.
शिवराज निंबाळकर यांना ५ हजार २९० मते मिळाली. तर महिला गटातून ॲड. नेहा जांभळे यांनी ४ हजार ४ मते मिळवित निर्विवाद वर्चस्व राखले. तर, कार्यकारिणी सदस्यपदी सर्वसाधारण गटातून मयुर मराठे, विकास जाधव, उमेश मांजरे, प्रितेश दळवी, योगेश जैन, अनिल हुडे, अमोल वडगणे, उदय शेलार प्रज्वल गुंजाळ आणि आकाश भिलारे यांची निवड झाली आहे. तर, महिला राखीव गटातून संध्या रायबोले, शितल देशमुख, गुंजन भोसले, स्मिता वाघमारे आणि प्रियंका घाडगे यांची यापुर्वीच सर्वानुमते निवड करण्यात आली आहे.
खजिनदार, आॅडीटरकडून पाच हजारांचा टप्पा पार
बार असोसिएशनच्या वार्षिक निवडणुकीत यंदा 7 हजार 500 मतदान झाले. यामध्ये, खजिनदार पदाच्या उमेद््वार अंजली बांदल यांना ५ हजार २७४ मते मिळाली. त्यांना तब्बल ३ हजार २३९ मतांचे मताधिक्य राहिले. तर, आॅडीटरपदासाठी झालेल्या लढतीत शिवराज निंबाळकर यांना ५ हजार २९० मते मिळाली. त्यांनी प्रतिस्पर्धी उमेद्वाराचा तब्बल ३ हजार ४१० मतांनी पराभव केला. बांदल आणि निंबाळकर यांना तीन हजारांपेक्षा जास्त मताधिक्य मिळाल्याने न्यायालयात या
