अविनाश दुधवडे
चाकण: खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये कांद्याच्या आवकेत घट होऊन दरात वाढ झाली आहे. हिरवी मिरची, चवळी, टोमॅटो व दोडक्याची भरपूर आवक झाली. अद्रक, वाटाणा, काकडी व शेवगा यांचे भाव गडगडले आहेत. फळभाज्या व पालेभाज्यांच्या दरात घट झाली आहे. एकूण उलाढाल कोटी ९० लाख रुपये झाली.
चाकण येथील बाजारात कांद्याची एकूण आवक १ हजार क्विंटल झाली. कांद्याला कमालभाव ७०० ते २ हजार ४०० रुपये मिळाला. बटाट्याची एकूण आवक १ हजार ६०० क्विंटल झाली. बटाट्याचा कमालभाव १ हजार ५०० रुपयांवर स्थिरावला. लसणाची एकूण आवक ५० क्विंटल झाली. लसणाला १५ हजार रुपये कमालभाव मिळाला. हिरव्या मिरचीची एकूण आवक ३१० क्विंटल झाली. हिरव्या मिरचीला ३ हजार रुपयांपासून ते ४ हजार रुपयांपर्यंत भाव मिळाला.
शेतीमालाची आवक व बाजारभाव पुढीलप्रमाणे : कांदा- एकूण आवक १ हजार क्विंटल. भाव क्रमांक- १. २ हजार ४०० रुपये, भाव क्रमांक २. १ हजार ७०० रुपये, भाव क्रमांक ३. ७००. बटाटा- एकूण आवक- १ हजार ६०० क्विंटल. भाव क्रमांक १. १ हजार ५०० रुपये, भाव क्रमांक २. १ हजार १०० रुपये, भाव क्रमांक ३. ८०० रुपये.
फळभाज्या: फळभाज्यांच्या बाजारात एकूण आवक क्विंटलमध्ये व प्रती १० किलोंसाठी मालाला मिळालेले भाव कंसात पुढीलप्रमाणे : टोमॅटो- ३१६ क्विंटल (१ हजार ५०० ते २ हजार ५००), कोबी- १९० क्विंटल (१ हजार ५०० ते २ हजार), फ्लॉवर- १६० क्विंटल (१ हजार ५०० ते २ हजार ५००), वांगी- १०४ क्विंटल (१ हजार ५०० ते २ हजार ५००), भेंडी- ८६ क्विंटल (३ हजार ते ४ हजार), दोडका- ५८ क्विंटल (४ हजार ते ५ हजार), कारली- ६८ क्विंटल (३ हजार ते ५ हजार), दुधी भोपळा- ४६ क्विंटल (१ हजार ५०० ते २ हजार ५००), काकडी- ९८ क्विंटल (२ हजार ५०० ते ३ हजार ५००), फरशी- १० क्विंटल (८ हजार ते १२ हजार), वालवड- ९ क्विंटल (७ हजार ते ९ हजार), ढोबळी मिरची- १०८ क्विंटल (४ हजार ते ६ हजार), चवळी- ४० क्विंटल (२ हजार ते ३ हजार ५००), वाटाणा- ५० क्विंटल (८ हजार ते १० हजार), शेवगा- २० क्विंटल (६ हजार ते ८ हजार), गाजर- १७० क्विंटल (१ हजार ५०० ते २ हजार ५००), आले- १८० क्विंटल (५ हजार ते ७ हजार).
पालेभाज्या: चाकण येथील बाजारात पालेभाज्यांची एकूण आवक जुड्यांमध्ये व भाज्यांना मिळालेले भाव पुढीलप्रमाणे : मेथी- एकूण ५ हजार ६८० जुड्या (१ हजार ४०० ते २ हजार), कोथिंबीर- एकूण २१ हजार ८५० जुड्या (१ हजार ते १ हजार ८००), शेपू- एकूण २ हजार ५८० जुड्या (१ हजार २०० ते १ हजार ८००), पालक- एकूण ४ हजार ५५ जुड्या (६०० ते १ हजार रुपये).
जनावरे: बाजारात विक्रीसाठी आलेल्या ४२ जर्सी गायींपैकी ३८ गायींची विक्री झाली. (१५ हजार ते ७० हजार), ५५ बैलांपैकी ४५ बैलांची विक्री झाली. (१० हजार ते ४० हजार), ९५ म्हशींपैकी ८५ म्हशींची विक्री झाली. (३० हजार ते ८० हजार), ११ हजार ९२० शेळ्या-मेंढ्यापैकी ११ हजार ६०० शेळ्यांची विक्री झाली असून, त्यांना २ हजार रुपयांपासून ते १५ हजार रुपयांपर्यंत भाव मिळाला.
