कुरकुंभ : पुढारी वृत्तसेवा
कुरकुंभ (ता. दौंड) औद्योगिक क्षेत्रातील अल्काईल अमाईन्स केमिकल्स लिमिटेड कंपनीत भीषण स्फोट झाला. या गंभीर घटनेत एक कामगार गंभीरपणे भाजलेला आहे. अणखी किती कामगार भाजलेले आहेत, यासंदर्भात अधिक माहिती मिळू शकलेली नाही.
सागर प्रल्हाद रणभावरे (वय २३ रा. नेवासा, जि. अहिल्यानगर) असे भाजलेल्या कामगाराचे नाव आहे. भाजलेल्या कामगाराला उपचारासाठी दौंडहून पुण्याला पाठविण्यात आले आहे. आज (शनिवार) (दि. २८) पहाटेच्या सुमारास ही घटना घडली.
हा स्फोट नेमका कसा झाला यासंदर्भात तपासणी सुरू आहे. घटनास्थळी औद्योगिक सुरक्षा व आरोग्य विभागाचे उपसंचालक अखिल घोगरे, सुरक्षा अधिकारी अकुंश खराडे, दौंडचे पोलीस निरीक्षक गोपाळ पवार, सहायक पोलीस निरीक्षक नागनाथ पाटील यांनी भेट दिली.
