Maharashtra SSC Exam Result 2025 Declared
पुणे: महाराष्ट्र राज्य माध्यमिक व उच्च माध्यमिक शिक्षण मंडळाने गत आठवड्यातच इयत्ता 12 वीचा निकाल जाहीर केला होता. त्यानंतर विद्यार्थी व त्यांच्या पालकांना दहावीचा निकाल केव्हा लागणार? याविषयीची उत्सुकता लागली होती.
अखेर आज (दि.१३) इयत्ता दहावीच्या परीक्षेचा निकाल जाहीर करण्यात आला आहे. दरवर्षीप्रमाने यावर्षी दहावीचा निकाल ९४.१० टक्के लागला. कोकण विभागाने अव्वल स्थान पटकवत, ९६.१४ टक्क्यांसह यंदादेखील मुलींनीच दहावीच्या बाजी मारली आहे.
विद्यार्थ्यांना दुपारी 1 वाजता वेबसाईटवर जाऊन आपला निकाल पाहायला मिळणार आहे.
या संकेतस्थळावरून निकाल पाहता येणार
कोकण विभागाने ९८.८२ टक्केवारीसह याही वर्षी १० वीच्या निकालात बाजी मारली आहे. मुलींच्या उत्तीर्णतेची टक्केवारी ९६.१४ आहे. तर मुलांचा उत्तीर्णतेची टक्केवारी ही ९२.३१ टक्के आहे. मुलांच्या तुलनेत मुलींचे उत्तीर्ण होण्याचे प्रमाण ३.८३ टक्क्यांनी जास्त आहे. त्यामुळे इयत्ता १० वीच्या परीक्षेत यंदा देखील मुलींनीच बाजी मारली आहे.
यंदा दहावीचा निकाल ९४.१० टक्के लागला आहे. गेल्या वर्षी २०२४ मध्ये उत्तीर्णतेची टक्केवारी ९५.९१ टक्के होती. या तुलनेत यंदा निकाल१.७१ टक्क्यांनी घटला आहे. गेल्या वर्षी उत्तीर्णतेची टक्केवारी २०२३ च्या तुलनेत थोडी वाढली होती. पण ती यंदा पुन्हा घटली आहे. २०२३ मध्ये, एकूण उत्तीर्णतेची टक्केवारी ९३.८३ टक्के होती, जी २०२२ च्या तुलनेत ३.१८ टक्क्यांनी कमी होती.
वर्ष : उत्तीर्णतेची टक्केवारी
२०२४ : ९५.८१ %
२०२३ : ९३.८३ %
२०२२ : ९६.९४ %
२०२१ : ९९.९५ %
२०२० : ९५.३ %
महाराष्ट्र राज्य माध्यमिक आणि उच्च माध्यमिक शिक्षण मंडळाने यावर्षी 21 फेब्रुवारी ते 17 मार्च 2025 दरम्यान दहावीच्या परीक्षा घेतल्या होत्या. या परिक्षेला राज्यातील 16.11 लाख विद्यार्थ्यांनी नोंदणी केली होती. यामध्ये 8.6 लाख मुलं, 7.47 लाख मुली आणि 19 ट्रान्सजेंडर यांचा समावेश होता.
