![Kasturi Club : कस्तुरींच्या आनंदमेळ्यामध्ये रंगणार बहारदार लावणी..](http://media.assettype.com/pudhari%2Fimport%2Fwp-content%2Fuploads%2F2024%2F02%2Flavani.jpg?w=480&auto=format%2Ccompress&fit=max)
पुणे : पुढारी वृत्तसेवा : पुढारी कस्तुरी क्लब आयोजित सोनी मराठी प्रस्तुत 'महाराष्ट्रची शान लावणी' हा बहारदार लावणी कार्यक्रम फक्त महिलांसाठी आयोजित करण्यात आला आहे. या वेळी नृत्यबिजली मंजू वाघमारे व सहनृत्यांगना नृत्य सादर करणार आहेत. सोनी मराठीवरील सुप्रसिद्ध मालिकेतील कलाकार आणि इंडियन आयडॉल मराठीवरील गायिका व कलाकारांना भेटण्याची संधी मिळणार आहे.
सुप्रसिद्ध मालिका 'गाथा नवनाथांची' या मालिकेतील नागनाथ यांची भूमिका साकारणारे बालकलाकार आरुष बेडेकर, 'राणी मी होणार'मधील उमा आणि मल्हार, 'निवेदिता माझी ताई' या मालिकेतील निवेदिता आणि यशोधन, इंडियन आयडॉल मराठी या कार्यक्रमातील सुरेल गायिका भाग्यश्री टिकले आणि सुरभी कुलकर्णी हे कलाकार उपस्थित राहणार आहेत.
हेही वाचा