व्यसनाधिन मुलांच्या संगतीला लागून शाळेत हुशार आणि चांगले गुण मिळवणारी मुले वाईट मार्गाला लागल्याच्या घटनादेखील पुण्यात घडत आहेत. ही हुशार मुले अशा मुलांच्या नादी लागून अल्पवयातच दारू, तंबाखू, गुटखा यासारख्या व्यसनांना बळी पडत आहेत. त्यातच यांच्याकडून 'भाईगिरी' करण्यास सुरुवात होत असून, शहरात कोयता गँगसारख्या अल्पवयीनांच्याच गँग तयार व्हायला सुरुवात झाली आहे. त्यामुळे अल्पवयीन भाईंना रोखण्यासाठी प्रशासनाने मुळावरच घाव घातला पाहिजे, म्हणजेच दारू, गुटखा, मावा, तंबाखू विक्रेत्यांवर कडक कारवाई करून अल्कोहोल परवान्याची आधारकार्डप्रमाणे सक्ती करणे, आता गरजेचे बनले आहे. व्यसनाधिनतेमुळे अनेक कुटुंबे उद्ध्वस्त झाली आहेत. त्यांचे भविष्य टांगणीला लागलेले आहे.