पुणे: अन्नाला खमंग, स्वादिष्ट आणि रुचकर चव आणणार्या लसणाची आवक वाढल्याने मागील महिन्यांत चारशे रुपयांपार गेलेले दर आत्ता निम्म्यावर आले आहेत. किरकोळ बाजारात 200 रुपये किलो दराने लसणाची विक्री सुरू आहे.
गुजरात, राजस्थान, मध्य प्रदेश आणि पंजाब या राज्यात लसूणाचे उत्पादन घेतले जाते. मागील दोन वर्षे लसूणाला दर न मिळाल्याने गुजरातमधील शेतकर्यांनी लसूणाऐवजी अन्य पिकांना प्राधान्य दिले होते. घटलेले उत्पादन त्यात अवकाळी पावसाचा परिणाम यामुळे लसणाचा तुटवडा जाणवत होता. परिणामी, शहरातील घाऊक बाजारात लसणाच्या क्विंटलचा दर 30 ते 40 हजार रुपयांपर्यंत पोहोचला होता.
बाजारात दररोज शंभर क्विंटल लसूण
बाजारपेठेत सध्या गुजरात व मध्यप्रदेश येथून दररोज शंभर क्विंटल लसूण दाखल होत आहे. मागणीच्या तुलनेत ही आवक जास्त असल्याने मागील दहा दिवसांपासून लसणाच्या दरात घसरण सुरू झाली आहे. घाऊक बाजारात क्विंटलचे दर 15 ते 20 हजार रुपयांवर पोहोचले आहेत. त्यामुळे, किरकोळ बाजारातही 200 रुपयांपर्यंत दर आले असून, पन्नास रुपये पाव किलो दराने लसणाची विक्री होत आहे.
जानेवारीच्या पहिल्या आठवड्यापासून उटी लसूण बाजारात दाखल होत आहे. सध्याच्या स्थितीत आवक मोठी आहे. त्यातुलनेत मागणी कमी आहे. लसणाच्या भावात चांगलीच घसरण झाली आहे. येत्या काळात लसणाची आवक आणखी वाढले. याखेरीज, मागणीही वाढून हे दर कायम राहतील.
- सउरज संचेती, लसणाचे व्यापारी, मार्केट यार्ड
