गणेशोत्सवादरम्यान शास्त्रीय नृत्यप्रकार, लोकगीते, भारताच्या विविध प्रांतातील नृत्ये, पारंपरिक नऊवारी साडीचे नव्या रुपात दर्शन देणारा फॅशन शो चं आयोजन करण्यात आलं होतं. यामध्ये लहान मुलांसह महिलांनीही मोठ्याप्रमाणात सहभाग घेतला होता. उत्साहपूर्ण वातावरणात सुंदर गणेश मूर्ती पालखीत ठेवण्यात आली. ढोल ताशा आणि झांजांच्या गजरात बाप्पाची मिरवणूक काढण्यात आली. पथकाने केलेली मेहनत सर्वांनाचं भावली आणि त्या तालावर सर्वांची पावलं थिरकली. सुरेख गुलाबाच्या फुलांच्या सजावटीमध्ये गणराज विराजमान झाले. तसेच श्रींची पूजा आणि मंगल आरती करण्यात आली.
