राज्य सरकारने घोषित केलेल्या मानकानुसार सहकारी दूध संघ दूध स्विकारीत होते आणि दरही देत आलेले आहेत. सद्यस्थितीत सहकारी दूध संघाकडे अतिरिक्त दुधाचा प्रश्न गंभीर झालेला आहे. त्यामुळे राज्य सरकारने मागे राबविलेल्या योजनेनुसार महानंदमार्फत अतिरिक्त दूध खरेदी करुन दूध पावडर तयार करावी आणि त्या दुधाला प्रति लिटरला पाच रुपये अनुदान दयावे. अन्यथः सहकारी दूध संघाचा तोटा वाढून अडचणीत भर पडणार आहे. त्यामुळे शासनाने अतिरिक्त दुधाला अनुदान देण्याबाबत गांभीर्याने विचार करावा. तसेच दुधाच्या नव्या मानकाचा प्रति लिटरचा दर प्राप्त गंभीर स्थितीचा विचार करुनच जाहिर करणे अपेक्षित आहे.
– गोपाळराव म्हस्के , अध्यक्ष, राज्य दूध उत्पादक व प्रक्रिया व्यावसायिक कल्याणकारी संघ.