जेजुरी कोळवीहीरे रस्त्यावर अपघात; दोघा तरुणांचा मृत्यू

जेजुरी: पुरंदर तालुक्यातील जेजुरी कोळविहिरे रस्त्यावर पीकअप व दुचाकीची समोरासमोर धडक होवून दोघा तरुणांचा मृत्यू झाला. हा अपघात मध्यरात्री साडे बारा वाजण्याच्या सुमारास झाला. प्रशांत शिंदे (वय 21) व मुजमिल शेख (वय 22) या दोघा तरुणांचा या अपघातात मृत्यू झाला.

जेजुरी पोलिसांनी या अपघाताबाबत दिलेली माहिती अशी की, सोमवारी (दि.14) मध्यरात्री साडे बारा वाजण्याच्या सुमारास जेजुरी कोळविहिरे रस्त्यावर पीकअप व दुचाकी गाडीची समोरासमोर जोरदार धडक झाली.

या अपघातात प्रशांत शिंदे या तरुणाचा जागीच मृत्यू झाला तर मुजमिल शेख या तरुणांचा उपचारादरम्यान मंगळवारी रुग्णालयात मृत्यू झाला. जेजुरी पोलीस स्टेशनचे सहाय्यक पोलीस निरीक्षक दीपक वाकचौरे यांच्या मार्गदर्शनाखाली पोलिस या अपघाताचा तपास करीत आहेत.