Blood Group : भारतात 'या' रक्तगटाचे आहेत सर्वाधिक लोक, जाणून घ्या प्रत्येक रक्तगटाची स्थिती
पुढारी ऑनलाईन डेस्क : रक्तदान हे श्रेष्ठदान असे म्हणतात. वेगवेगळ्या रोगांशी लढा देत असलेल्या लोकांना नियमित अंतराने रक्ताची आवश्यकता असते. अपघातग्रस्त व्यक्तीपर्यंत मदत आणि रक्त वेळेत पोहोचले तर त्याचा जीव वाचू शकतो, याची साक्ष आपल्याला अनेक अहवाल देतात. पण तुम्हाला माहीत आहे का भारतात कोणत्या रक्तगटाची स्थिती काय आहे. देशात कोणत्या रक्तगटाचे लोक सर्वाधिक आहेत? (Blood Group)
रेसु निगेटिव्हने संकलित केलेल्या आकडेवारीनुसार, भारतामध्ये B+ गटातील लोकांची संख्या सर्वाधिक आहे. भारतात ३८.१३ टक्के लोकांचा रक्तगट B+ आहे. २७.८५% लोकांचा रक्तगट O+ आणि २०.०८% लोकांचा रक्तगट A+ आहे. ८.९३ टक्के लोकांचा रक्तगट AB+ आहे. दक्षिण आशियाई देशांमध्ये बी रक्त गट देखील सामान्य आहे. जागतिक स्तरावर बोलायचे झाल्यास, सर्वात सामान्य रक्तगट O आहे. त्याच वेळी, सर्वात कमी उपलब्ध रक्तगट एबी आहे.
ऑस्ट्रेलियामध्ये ४० टक्के लोक O+ रक्तगटाचे आहेत. A+, B+, AB+ 31 टक्के, आठ टक्के आणि दोन टक्के रक्तगटाचे आहेत. यूएसमध्ये, O आणि A रक्तगट लोकसंख्येच्या ४४ टक्के आणि ४२ टक्के आहेत, तर B आणि AB रक्तगटांचे प्रमाण १० आणि ४० टक्के आहे. सौदी अरेबियामध्ये, 0+ गटातील ४८ टक्के लोक, २४ टक्के A+, १७ टक्के B+ आणि ४ टक्के लोक AB+ गटाचे आहेत.
Blood Group : रक्ताचे कार्य
रक्त हा आपल्या शरीरात आढळणारा जीवनदायी द्रव आहे, जो आपल्या जीवनाचा आधार आहे. रक्त पेशींमध्ये पोषक ऑक्सिजन वाहून नेते आणि शरीरातून टाकाऊ पदार्थ काढून टाकण्यास देखील मदत करते. आपल्या शरीराचे तापमान सामान्य ठेवणे, रोगांशी लढा देणे, जखमा भरणे, संप्रेरक आणि संप्रेरकांचे संकेत अवयवांपर्यंत पोहोचवणे यासारखी कार्येही रक्त करते.
आमचा अंत बघु नका एसटी संपकऱ्यांनी अट्टाहास सोडावा : अजित पवार https://t.co/K62F21Midx @AjitPawarSpeaks #pudharionline
— Pudhari (@pudharionline) December 17, 2021
लाल रक्तपेशी, पांढऱ्या रक्तपेशी, प्लेटलेट्स आणि प्लाझ्मा
रक्त वेगवेगळ्या प्रकारच्या पेशींनी बनलेले असते. या पेशी रक्ताच्या प्लाझ्मामध्ये तरंगतात. लाल रक्तपेशी यांना RBC म्हणतात. शरीरात ऑक्सिजन वाहून नेण्याचे कार्य करते. १ मायक्रोलिटर रक्तामध्ये पुरुषांमध्ये ४.७ ते ६.१ दशलक्ष तर, महिलांमध्ये ४.२ ते ५.४ दशलक्ष आरबीसी असतात.
पांढऱ्या रक्त पेशींना WBC म्हणतात. हे जीवाणू आणि विषाणूंशी लढण्यासाठी कार्य करतात आणि शरीराला संक्रमण आणि रोगांपासून वाचवतात. १ मायक्रोलिटर रक्तामध्ये ४ हजार ते ११ हजार पांढऱ्या रक्तपेशी असतात. याशिवाय शरीरातील १ मायक्रोलिटर रक्तामध्ये २ लाख ते ५ लाख प्लेटलेट्स (थ्रॉम्बोसाइट्स) असतात. या पेशी रक्त गोठण्यास मदत करतात.
प्लाझ्माबद्दल बोलायचे तर ते एक द्रवपदार्थ आहे. त्यामध्ये ९२ टक्के पाण्याचे प्रमाण असते. पाण्याव्यतिरिक्त, प्लाझ्मामध्ये प्रथिने, ग्लुकोज खनिजे, हार्मोन्स, कार्बन डायऑक्साइड असतात. कार्बन डायऑक्साइड रक्ताच्या प्लाझ्माद्वारे शरीरात वाहून नेले जाते.
याशिवाय रक्तामध्ये सीरम अल्ब्युमिन, अनेक प्रकारची प्रथिने आणि इलेक्ट्रोलाइट्स आढळतात. त्याचबरोबर रक्तपेशींमध्ये आढळणाऱ्या हिमोग्लोबिन आणि लोह घटकामुळे रक्त लाल होते. हृदय शरीरात रक्ताभिसरण करते.