पुढारी ऑनलाइन डेस्क : Sharad Pawar on Ajit Pawar rebellion : महाराष्ट्राच्या राजकारणात राष्ट्रवादीचे नेते आणि महाराष्ट्राचे नवे उपमुख्यमंत्री अजित पवार यांच्यामुळे पुन्हा एकदा मोठा भूकंप झाला आहे. शिवसेनेनंतर राष्ट्रवादीत देखील उभी फूट पडली आहे. अजित पवार हे शिंदे-फडणवीस सरकारमध्ये सहभागी झाले.
त्यांना 40 आमदारांचा पाठिंबा आहे. अजित पवार यांनी महाराष्ट्राचे 11 वे उपमुख्यमंत्री म्हणून शपथ घेतली. त्यांच्यासह राष्ट्रवादी काँग्रेसच्या 9 आमदारांनी देखील मंत्रीपदाची शपथ घेतली. सत्तानाट्यातील या एकूणच घडामोडींवर राष्ट्रवादी काँग्रेसचे अध्यक्ष शरद पवार काय बोलणार याकडे सर्वांचे लक्ष लागले होते. शरद पवार पुण्यात पत्रकार परिषद घेऊन त्यांची भूमिका स्पष्ट करणार आहेत.
या पत्रकार परिषदेत शरद पवार म्हणतात,
राज ठाकरे यांच्या सोशल मीडिया पोस्टवरुन पवार यांना राष्ट्रवादीची टीम बी आहे का असं विचारलं असता, ' आधी शिल्लक असलेली टीम तर बघतो, असं मिश्किल उत्तर शरद पवार यांनी दिलं. अजित पवार यांनी हा निर्णय मुलगा पार्थ याच्या भवितव्यासाठी घेतला आहे का असा प्रश्न विचारला असता, तो कधीही वादाचा किंवा मतभेदाचा विषय नव्हता असंही शरद पवार म्हणाले."