पिंपरी : पुढारी वृत्तसेवा : किरकोळ कारणावरून तिघांनी मिळून शाळेतील एका विद्यार्थ्यावर धारदार शस्त्राने वार केले. ही घटना काळेवाडी येथे बुधवारी (दि. 20) दुपारी साडेबारा वाजताच्या सुमारास घडली.
निखिल बाळू जोगदंड (15, रा. काळेवाडी) असे जखमी झालेल्या विद्यार्थ्याचे नाव आहे. याप्रकरणी त्याच्या आईने बुधवारी (दि. 20) वाकड पोलीस ठाण्यात फिर्याद दिली आहे. पोलिसांनी तीन अल्पवयीन मुलांच्या विरोधात गुन्हा दाखल केला आहे.
पोलिसांनी दिलेल्या माहितीनुसार, फिर्यादी यांचा मुलगा निखील याचा धक्का त्याच्याच शाळेतील मुलाला लागला. या कारणावरून चिडलेल्या तीन विद्यार्थ्यांनी निखील याला शिवीगाळ करीत हाताने मारहाण केली.
तसेच, धारदार शस्त्राने निखिल याच्यावर वार केल्याचे फिर्यादीत नमूद आहे. पोलीस उपनिरीक्षक मणेर तपास करीत आहेत.
https://youtu.be/wimwsVNgHnY
